6. дутийасӣласуттаван̣н̣ана̄

33. чхат̣т̣хе бхаддакена ча сӣлена̄ти ка̄йасучарита̄дичатупа̄рисуддхисӣлена. тан̃хи акхан̣д̣а̄дисӣлабха̄вена сайан̃ча калйа̄н̣ам̣, саматхавипассана̄дикалйа̄н̣агун̣а̄вахам̣ ча̄ти ‘‘бхаддака’’нти вуччати. бхаддика̄йа ча дит̣т̣хийа̄ти каммассаката̄н̃а̄н̣ена чева каммапатхасамма̄дит̣т̣хийа̄ ча. таттха бхаддакена сӣлена пайогасампанно хоти, бхаддика̄йа дит̣т̣хийа̄ а̄сайасампанно. ити пайога̄сайасампанно пуггало саггӯпаго хоти. тена вуттам̣ – ‘‘имехи, кхо, бхиккхаве, двӣхи дхаммехи саманна̄гато пуггало йатха̄бхатам̣ никкхитто, евам̣ сагге’’ти. саппан̃н̃оти пан̃н̃ава̄. сесам̣ сувин̃н̃еййамева.

чхат̣т̣хасуттаван̣н̣ана̄ нит̣т̣хита̄.