2. ан̃н̃атарабхиккхуваттху

йо ве уппатитанти имам̣ дхаммадесанам̣ саттха̄ агга̄л̣аве четийе вихаранто ан̃н̃атарам̣ бхиккхум̣ а̄раббха катхеси.

саттха̄ра̄ хи бхиккхусан̇гхасса сена̄сане анун̃н̃а̄те ра̄джагахасет̣т̣хиа̄дӣхи сена̄санесу карийама̄несу еко а̄л̣авико бхиккху аттано сена̄санам̣ каронто екам̣ мана̄паруккхам̣ дисва̄ чхиндитум̣ а̄рабхи. таттха пана ниббатта̄ ека̄ тарун̣апутта̄ девата̄ путтам̣ ан̇кена̄да̄йа т̣хита̄ йа̄чи ‘‘ма̄ ме, са̄ми, вима̄нам̣ чхинди, на саккхисса̄ми путтам̣ а̄да̄йа ана̄ва̄са̄ вичариту’’нти. со ‘‘ахам̣ ан̃н̃атра ӣдисам̣ руккхам̣ на лабхисса̄мӣ’’ти тасса̄ вачанам̣ на̄дийи. са̄ ‘‘имампи та̄ва да̄ракам̣ олокетва̄ орамиссатӣ’’ти путтам̣ руккхаса̄кха̄йа т̣хапеси. сопи бхиккху уккхипитам̣ пхарасум̣ сандха̄ретум̣ асакконто да̄ракасса ба̄хум̣ чхинди, девата̄ уппаннабалавакодха̄ ‘‘пахаритва̄ нам̣ ма̄ресса̄мӣ’’ти убхо хаттхе уккхипитва̄ евам̣ та̄ва чинтеси – ‘‘айам̣ бхиккху сӣлава̄. сача̄хам̣ имам̣ ма̄ресса̄ми, нирайага̄минӣ бхависса̄ми. сесадевата̄пи аттано руккхам̣ чхинданте бхиккхӯ дисва̄ ‘асукадевата̄йа евам̣ на̄ма ма̄рито бхиккхӯ’ти мам̣ пама̄н̣ам̣ катва̄ бхиккхӯ ма̄рессанти. айан̃ча саса̄мико бхиккху, са̄микассева нам̣ катхесса̄мӣ’’ти уккхиттахаттхе апанетва̄ родама̄на̄ саттху сантикам̣ гантва̄ вандитва̄ екамантам̣ ат̣т̣ха̄си. атха нам̣ саттха̄ ‘‘ким̣ девате’’ти а̄ха. са̄, ‘‘бханте, тумха̄кам̣ ме са̄вакена идам̣ на̄ма катам̣, ахампи нам̣ ма̄ретука̄ма̄ хутва̄ идам̣ на̄ма чинтетва̄ ама̄ретва̄ва идха̄гата̄’’ти саббам̣ там̣ паваттим̣ виттха̄рато а̄рочеси.

саттха̄ там̣ сутва̄ ‘‘са̄дху, са̄дху девате, са̄дху те катам̣ евам̣ уггатам̣ копам̣ бхантам̣ ратхам̣ вийа нигган̣хама̄на̄йа̄’’ти ватва̄ имам̣ га̄тхама̄ха –

222. ‘‘йо ве уппатитам̣ кодхам̣, ратхам̣ бхантам̣ва ва̄райе;

тамахам̣ са̄ратхим̣ брӯми, расмигга̄хо итаро джано’’ти.

таттха уппатитанти уппаннам̣. ратхам̣ бхантам̣ ва̄ти йатха̄ на̄ма чхеко са̄ратхи ативегена дха̄вантам̣ ратхам̣ нигган̣хитва̄ йатхиччхакам̣ т̣хапети, евам̣ йо пуггало уппаннам̣ кодхам̣ ва̄райе нигган̣хитум̣ саккоти. тамаханти там̣ ахам̣ са̄ратхим̣ брӯми. итаро джаноти итаро пана ра̄джаупара̄джа̄дӣнам̣ ратхаса̄ратхиджано расмигга̄хо на̄ма хоти, на уттамаса̄ратхӣти.

десана̄васа̄не девата̄ сота̄паттипхале патит̣т̣хахи, сампаттапариса̄йапи са̄ттхика̄ дхаммадесана̄ ахосӣти.

девата̄ пана сота̄панна̄ хутва̄пи родама̄на̄ ат̣т̣ха̄си. атха нам̣ саттха̄ ‘‘ким̣ девате’’ти пуччхитва̄, ‘‘бханте, вима̄нам̣ ме нат̣т̣хам̣, ида̄ни ким̣ карисса̄мӣ’’ти вутте, ‘‘алам̣ девате, ма̄ чинтайи, ахам̣ те вима̄нам̣ дасса̄мӣ’’ти джетаване гандхакут̣исамӣпе пуримадивасе чутадеватам̣ екам̣ руккхам̣ ападисанто ‘‘амукасмим̣ ока̄се руккхо вивитто, таттха упагаччха̄’’ти а̄ха. са̄ таттха упаган̃чхи. тато пат̣т̣ха̄йа ‘‘буддхадаттийам̣ имисса̄ вима̄на’’нти махесаккхадевата̄пи а̄гантва̄ там̣ ча̄летум̣ на̄саккхим̣су. саттха̄ там̣ аттхуппаттим̣ катва̄ бхиккхӯнам̣ бхӯтага̄масиккха̄падам̣ пан̃н̃а̄песӣти.

ан̃н̃атарабхиккхуваттху дутийам̣.