10. пуббакаммапилотикабуддхаапада̄наван̣н̣ана̄

64. дасама̄пада̄не анотаттасара̄саннети паббатакӯт̣ехи пат̣иччханнатта̄ чандимасӯрийа̄нам̣ санта̄пехи отаттам̣ ун̣хам̣ удакам̣ еттха наттхӣти анотатто. саранти гаччханти пабхаванти санданти етасма̄ маха̄надийоти саро. сӣхамукха̄дӣхи никкханта̄ маха̄надийо тиккхаттум̣ тиккхаттум̣ падаккхин̣ам̣ катва̄ никкхантаниккхантадиса̄бха̄гена саранти гаччхантӣти аттхо. анотатто ча со саро ча̄ти анотаттасаро. тасса а̄саннам̣ самӣпат̣т̣ха̄нанти анотаттасара̄саннам̣, тасмим̣ анотаттасара̄санне, самӣпети аттхо. раман̣ӣйети девада̄навагандхаббакиннарорагабуддхапаччекабуддха̄дӣхи рамитаббам̣ аллӣйитаббанти раман̣ӣйам̣, тасмим̣ раман̣ӣйе. сила̄талети екаггханапаббатасила̄талети аттхо. на̄на̄ратанападжджотети падумара̄гавел̣урийа̄дина̄на̄анекехи ратанехи паджджоте пака̄рена джотама̄не. на̄на̄гандхаванантарети на̄наппака̄рехи чандана̄гарукаппӯратама̄латилака̄сокана̄гапунна̄гакетака̄дӣхи анекехи сугандхапуппхехи гаханӣбхӯтаванантаре сила̄талети самбандхо.

65. гун̣амахантата̄йа сан̇кхйа̄махантата̄йа ча махата̄ бхиккхусан̇гхена, парето паривуто локана̄йако локаттайаса̄мисамма̄самбуддхо таттха сила̄сане нисинно аттано пубба̄ни камма̄ни бйа̄карӣ висесена па̄кат̣амака̄сӣти аттхо. сесаметтха хет̣т̣ха̄ буддха̄пада̄не (апа. тхера 1.1.1 а̄дайо) вуттатта̄ утта̄наттхатта̄ ча сувин̃н̃еййамева. буддха̄пада̄не антогадхампи идха̄пада̄не кусала̄кусалам̣ каммасам̣сӯчакатта̄ ваггасан̇гахавасена дхаммасан̇га̄хакаттхера̄ сан̇га̄йим̣сӯти.

пуббакаммапилотикабуддхаапада̄наван̣н̣ана̄ саматта̄.

екӯначатта̄лӣсамаваггаван̣н̣ана̄ саматта̄.