1-10. пан̣н̣ада̄йакаттхераапада̄на̄диван̣н̣ана̄

1-2. екӯнатим̣сатиме вагге пат̣хама̄пада̄не пан̣н̣абходжанабходжаноти кхӣрапан̣н̣а̄дибходжанасса бхун̃джанаттха̄йа пан̣н̣аса̄ла̄йа нисинно амхи бхава̄мӣти аттхо. упавит̣т̣хан̃ча мам̣ сантанти пан̣н̣аса̄ла̄йам̣ упавит̣т̣хам̣ сантам̣ виджджама̄нам̣ мам̣. упа̄гаччхи маха̄исӣти маханте сӣла̄дикхандхе есанато маха̄иси. локападжджото локападӣпо сиддхаттхо бхагава̄ упагаччхи, мама самӣпам̣ агама̄сӣти аттхо. нисиннасса пан̣н̣асантхарети упагантва̄ пан̣н̣асантхаре нисиннасса кха̄данаттха̄йа седитам̣ пан̣н̣ам̣ майа̄ диннанти самбандхо.

5-7. дутийа̄пада̄не синерусамасантосо дхаран̣ӣсамаса̄дисо сиддхаттхо бхагава̄ти самбандхо. вут̣т̣хахитва̄ сама̄дхимха̄ти ниродхасама̄паттито вут̣т̣хахитва̄ висум̣ хутва̄ти аттхо. бхиккха̄йа мамупат̣т̣хитоти бхиккха̄ча̄равела̄йа ‘‘аджджа мама йо кочи кин̃чи да̄нам̣ дада̄ти, тасса махаппхала’’нти чинтетва̄ нисиннасса мама сантикам̣ самӣпам̣ упат̣т̣хито самӣпама̄гатоти аттхо. харӣтакам̣…пе… пха̄русакапхала̄ни ча̄ти евам̣ саббам̣ там̣ пхалам̣ саббалока̄нукампино тасса сиддхаттхасса махесисса майа̄ виппасаннена четаса̄ диннанти аттхо.

11-12. татийа̄пада̄не сӣхам̣ йатха̄ ваначаранти ване чарама̄нам̣ сӣхара̄джам̣ ива чарама̄нам̣ сиддхаттхам̣ бхагавантанти самбандхо. нисабха̄джа̄нийам̣ йатха̄ти васабхо, нисабхо, висабхо, а̄сабхоти чатта̄ро гаваджет̣т̣хака̄. тесу гавасатасса джет̣т̣хако васабхо, гавасахассасса джет̣т̣хако нисабхо, гавасатасахассасса джет̣т̣хако висабхо, гавакот̣исатасахассасса джет̣т̣хако а̄сабхо. идха пана а̄сабхо ‘‘нисабхо’’ти вутто, а̄джа̄нӣйам̣ абхӣтам̣ ниччалам̣ усабхара̄джам̣ ива̄ти аттхо. какудхам̣ виласантам̣ва̄ти пуппхапаллавехи собхама̄нам̣ какудхаруккхам̣ ива нара̄сабхам̣ нара̄нам̣ а̄сабхам̣ уттамам̣ а̄гаччхантам̣ сиддхаттхам̣ бхагавантам̣ дисва̄ саддха̄йа сампайуттатта̄ виппасаннена четаса̄ паччуггаманам̣ ака̄синти аттхо.

чатуттха̄пада̄на̄дӣни дасама̄васа̄на̄ни сувин̃н̃еййа̄нева̄ти.

екӯнатим̣сатимаваггаван̣н̣ана̄ саматта̄.