2. пуппхатхӯпийаттхераапада̄наван̣н̣ана̄

химавантасса̄видӯретиа̄дикам̣ а̄йасмато пуппхатхӯпийаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто випассибуддхасса бхагавато ка̄ле бра̄хман̣акуле ниббатто вин̃н̃утам̣ патва̄ сакасиппе ниппхаттим̣ патто таттха са̄рам̣ апассанто гехам̣ паха̄йа химавантам̣ пависитва̄ аттана̄ сахагатехи пан̃часиссасахассехи саддхим̣ пан̃ча̄бхин̃н̃а̄ ат̣т̣ха сама̄паттийо ниббаттетва̄ куккурана̄мапаббатасамӣпе пан̣н̣аса̄лам̣ ка̄ретва̄ пат̣ивасати. тада̄ буддхуппа̄дабха̄вам̣ сутва̄ сиссехи саха буддхасса сантикам̣ гантука̄мо кеначи бйа̄дхина̄ пӣл̣ито пан̣н̣аса̄лам̣ пависитва̄ сиссасантика̄ буддхасса̄нубха̄вам̣ лаккхан̣ан̃ча сутва̄ пасаннама̄насо химавантато чампака̄сокатилакакет̣ака̄дйанеке пуппхе а̄хара̄петва̄ тхӯпам̣ катва̄ буддхам̣ вийа пӯджетва̄ ка̄лам̣ катва̄ брахмалокӯпаго ахоси. атха те сисса̄ тасса а̄л̣аханам̣ катва̄ буддхасантикам̣ гантва̄ там̣ паваттим̣ а̄рочесум̣. атха бхагава̄ буддхачаккхуна̄ олокетва̄ ана̄гатам̣сан̃а̄н̣ена па̄кат̣ӣкаран̣амака̄си. со апарабха̄ге имасмим̣ буддхуппа̄де са̄ваттхийам̣ кулагехе ниббатто вин̃н̃утам̣ патто пуббава̄сана̄балена саттхари пасанно паббаджитва̄ начирассева араха̄ ахоси.

10. атха со аттано пуббакусалам̣ саритва̄ соманассаджа̄то пуббачарита̄пада̄нам̣ пака̄сенто химавантасса̄видӯретиа̄дима̄ха. там̣ хет̣т̣ха̄ вуттаттхамева. куккуро на̄ма паббатоти паббатасса сикхарам̣ куккура̄ка̄рена сунакха̄ка̄рена сан̣т̣хитатта̄ ‘‘куккурапаббато’’ти сан̇кхйам̣ гато, тасса самӣпе пан̣н̣аса̄лам̣ катва̄ пан̃чата̄пасасахассехи саха васама̄ноти аттхо. найа̄нуса̄рена сесам̣ саббам̣ утта̄наттхамева̄ти.

пуппхатхӯпийаттхераапада̄наван̣н̣ана̄ саматта̄.