3. пан̃ха̄пуччхакаван̣н̣ана̄

185. пан̃ха̄пуччхаке ат̣т̣ха̄расаннам̣ дха̄тӯнам̣ хет̣т̣ха̄ вуттанайа̄нуса̄ренева кусала̄дибха̄во ведитаббо. а̄рамман̣аттикесу пана чха дха̄туйо паритта̄рамман̣а̄ти идам̣ пана пан̃чаннам̣ чаккхувин̃н̃а̄н̣а̄дӣнам̣ манодха̄туйа̄ ча екантена пан̃часу рӯпа̄рамман̣а̄дӣсу паваттим̣ сандха̄йа вуттам̣. две дха̄туйоти вутта̄нам̣ пана дхаммадха̄тумановин̃н̃а̄н̣адха̄тӯнам̣ мана̄йатанадхамма̄йатанесу вуттанайенева паритта̄рамман̣а̄дита̄ ведитабба̄. ити имасмимпи пан̃ха̄пуччхаке сол̣аса дха̄туйо ка̄ма̄вачара̄, две чатубхӯмика̄ локийалокуттарамиссака̄ катхита̄. евамайам̣ дха̄тувибхан̇гопи тепариват̣т̣ам̣ нӣхаритва̄ва бха̄джетва̄ деситоти.

саммохавиноданийа̄ вибхан̇гат̣т̣хакатха̄йа

дха̄тувибхан̇гаван̣н̣ана̄ нит̣т̣хита̄.