1. екакама̄тика̄диван̣н̣ана̄

751. ида̄ни таданантаре н̃а̄н̣авибхан̇ге екавидхена н̃а̄н̣аваттхӯтиа̄дина̄ найена пат̣хамам̣ екавидха̄дӣхи дасавидхапарийоса̄нехи дасахи париччхедехи ма̄тикам̣ т̣хапетва̄ никкхиттапада̄нуккамена ниддесо като.

таттха екавидхена̄ти екаппака̄рена, екакот̣т̣ха̄сена ва̄. н̃а̄н̣аваттхӯти еттха пана н̃а̄н̣ан̃ча там̣ ваттху ча на̄наппака̄ра̄нам̣ сампаттӣнанти н̃а̄н̣аваттху; ока̄сат̣т̣хена н̃а̄н̣асса ваттхӯтипи н̃а̄н̣аваттху. идха пана пурименеваттхена н̃а̄н̣аваттху ведитаббам̣. тенева екавидхапариччхеда̄васа̄не ‘‘йа̄тха̄вакаваттхувибха̄вана̄ пан̃н̃а̄ – евам̣ екавидхена н̃а̄н̣аваттхӯ’’ти вуттам̣. пан̃ча вин̃н̃а̄н̣а̄ти чаккхувин̃н̃а̄н̣а̄дӣни пан̃ча. на хетӯтиа̄дӣни хет̣т̣ха̄ дхаммасан̇гахат̣т̣хакатха̄йам̣ (дха. са. ат̣т̣ха. 1.6) вуттанайенева ведитабба̄ни. сан̇кхепато панеттха йам̣ ваттаббам̣ там̣ ниддесава̄ре а̄ви бхависсати. йатха̄ четтха, евам̣ дукама̄тика̄дипадесупи йам̣ ваттаббам̣ там̣ таттхева а̄ви бхависсати. никкхепапариччхедаматтам̣ панеттха евам̣ ведитаббам̣. еттха хи ‘‘на хету ахетука̄’’тиа̄дӣхи та̄ва дхаммасан̇гахама̄тика̄васена, ‘‘аничча̄ джара̄бхибхӯта̄’’тиа̄дӣхи ама̄тика̄васена̄ти сан̇кхепато дувидхехи пабхедато ат̣т̣хасаттатийа̄ падехи екакама̄тика̄ никкхитта̄.

дука̄нурӯпехи пана пан̃чатим̣са̄йа дукехи дукама̄тика̄ никкхитта̄.

тика̄нурӯпехи ‘‘чинта̄майа̄ пан̃н̃а̄’’тиа̄дӣхи чатӯхи ба̄хираттикехи, ‘‘випа̄ка̄ пан̃н̃а̄’’тиа̄дӣхи анийамитапан̃н̃а̄васена вуттехи чуддасахи ма̄тика̄тикехи, витаккаттике пат̣хамападена нийамитапан̃н̃а̄васена вуттехи терасахи, дутийападена нийамитапан̃н̃а̄васена вуттехи саттахи, татийападена нийамитапан̃н̃а̄васена вуттехи два̄дасахи, пӣтиттике ча пат̣хамападена нийамитапан̃н̃а̄васена вуттехи терасахи, татха̄ дутийападена, татийападена нийамитапан̃н̃а̄васена вуттехи два̄дасахӣти ат̣т̣ха̄сӣтийа̄ тикехи тикама̄тика̄ никкхитта̄.

чатуккама̄тика̄ пана ‘каммассакатан̃а̄н̣а’нтиа̄дӣхи екавӣсатийа̄ чатуккехи, пан̃чакама̄тика̄ двӣхи пан̃чакехи, чхаккама̄тика̄ екена чхаккена, саттакама̄тика̄ ‘‘саттасаттати н̃а̄н̣аваттхӯнӣ’’ти евам̣ сан̇кхепато вуттехи ека̄дасахи саттакехи, ат̣т̣хакама̄тика̄ екена ат̣т̣хакена, навакама̄тика̄ екена навакена.