5-22. сан̇килит̣т̣хаттика̄диван̣н̣ана̄

сан̇килит̣т̣хасан̇килесикаттике саббам̣ кусалаттике вуттанайа̄нуса̄ренева ведитаббам̣.

79. витаккаттике йатха̄каммӯпаган̃а̄н̣асса парикамманти диббачаккхупарикаммамева тасса уппа̄данаттха̄йа парикаммам̣. уппаннасса пана вал̣ан̃джанака̄ле парикаммам̣ сандха̄йетам̣ вуттам̣. сесаметтха йатха̄па̄л̣имева ниййа̄ти.

82. ти тада̄рамман̣абхаван̇гамӯлабхаван̇га̄нам̣ васена вуттам̣. сесаметтха саббам̣ па̄л̣ивасенева ведитаббам̣.

дассанаттике дассанена паха̄таббо ра̄го уппаджджатӣтиа̄дӣсу дассанена паха̄таббо путхуджджанасса уппаджджати. бха̄вана̄йа паха̄таббо сота̄паннасса̄пӣти евам̣ упаримасса упаримасса хет̣т̣хима̄ хет̣т̣хима̄ нуппаджджантӣти ведитабба̄. дассанена паха̄таббо дхаммо бха̄вана̄йа паха̄таббасса дхаммасса екенапи паччайена паччайо на хоти. сесаметтха па̄л̣им̣ анугантва̄ кусалаттике вутталаккхан̣авасенева ведитаббам̣.

дассаненапаха̄таббахетукаттике дассаненапаха̄таббахетука̄дӣнам̣ вибха̄го ат̣т̣хакатха̄кан̣д̣е вуттанайенева ведитаббо. вичикиччхуддхаччасахагато мохо ахетукатта̄ татийападе павит̣т̣хо. еваметтха йесам̣ дассанабха̄вана̄хи паха̄таббо хету аттхи, те паха̄таббахетука̄. йесам̣ со наттхи те невадассанена набха̄вана̄йапаха̄таббахетука̄ти имам̣ паха̄таббахетукавибха̄гам̣ н̃атва̄ сесам̣ дассаненапаха̄таббаттике чева кусалаттике ча дасситалаккхан̣а̄нуса̄ренева ведитаббам̣.

а̄чайага̄миттике ча пат̣иччава̄расам̣сат̣т̣хава̄ресу ануломам̣ кусалаттикасадисамева. сесам̣ виссаджджанато ган̣анато ча йатха̄па̄л̣имева ниййа̄ти.

секкхаттике асеккхо дхаммо секкхасса дхаммасса на кеначи паччайена паччайо. секкхо асеккхасса анантарапакатӯпаниссайо пана хоти. сесаметтха йатха̄па̄л̣имева ниййа̄ти, татха̄ париттаттике.

паритта̄рамман̣аттике аппама̄н̣а̄рамман̣а̄четана̄ти секкха̄нам̣ готрабхучетана̄, паччавеккхан̣ачетана̄типи ваттум̣ ват̣т̣ати. випа̄ка̄нам̣ паритта̄рамман̣а̄нанти пат̣исандхийам̣ каммам̣ а̄рамман̣ам̣ катва̄, паватте чаккхувин̃н̃а̄н̣а̄дивасенарӯпа̄диа̄рамман̣ам̣, тада̄рамман̣авасена джаванена гахитапаритта̄рамман̣ан̃ча а̄рамман̣ам̣ катва̄ уппанна̄нам̣. йе пана ‘‘готрабхучиттена наттхи пат̣исандхӣ’’ти ваданти, те имина̄ суттена пат̣иседхетабба̄. сесаметтха па̄л̣инайенева ведитаббам̣. хӣнаттико сан̇килит̣т̣хаттикасадисо.

миччхаттаттике миччхаттанийато самматтанийатасса, самматтанийато ва̄ миччхаттанийатасса кеначи паччайена паччайо на хоти. миччхаттанийато ва̄ самматтанийато ва̄ сахаджа̄та̄дхипатирахито на̄ма наттхи. самматтанийате екантато а̄рамман̣апуреджа̄там̣ наттхи, миччхаттанийате сийа̄ а̄рамман̣апуреджа̄там̣. анийатам̣ читтам̣ а̄раббха нийата̄ миччха̄дит̣т̣хи уппаджджеййа. сеса̄ нийатам̣ а̄раббха нийатам̣ нуппаджджати, миччхаттанийатам̣ гарум̣ катва̄ на кочи дхаммо уппаджджати. кусало миччхаттасса упаниссайапаччайо на хоти. сесаметтха па̄л̣ийам̣ вуттанайенева ведитаббам̣.

магга̄рамман̣аттике пат̣иччава̄расса ануломе випа̄капаччайо наттхи. каммапаччайепи имасмим̣ тике на̄на̄ккхан̣икам̣ на лаббхати, татха̄ уппаннаттикаатӣтаттикесу. паччанӣйе ахетукам̣ магга̄рамман̣анти ахетукам̣ магга̄рамман̣ам̣, а̄ваджджанам̣ сандха̄йетам̣ вуттам̣. сесаметтха па̄л̣иануса̄ренева ведитаббам̣.

уппаннаттике ча атӣтаттике ча пат̣иччава̄ра̄дайо наттхи, пан̃ха̄ва̄раматтамева лаббхати. касма̄? пат̣иччава̄ра̄дайо хи сахаджа̄тапуреджа̄та̄нан̃н̃ева хонти. име ча тика̄ атӣта̄на̄гатамиссака̄. уппаннаттике четтха анантарабха̄гийа̄пи паччайа̄ на лаббханти. касма̄? уппаннаттике атӣтасса абха̄вато. уппанно ча ануппанно ча̄ти име четтха две дхамма̄ уппаннасса ча ануппаннасса ча̄ти имесам̣ двиннам̣ на кеначи паччайена паччайо. ануппанно ча уппа̄дӣ ча̄ти име пана две уппаннасса а̄рамман̣ӯпаниссайавасена двӣхи паччайехи паччайо. сесаметтха па̄л̣ийам̣ а̄гатанайенева ведитаббам̣.

атӣтаттике паччуппаннам̣ атӣта̄на̄гатасса, атӣта̄на̄гатан̃ча атӣта̄на̄гатасса на кеначи паччайена паччайо. нибба̄нам̣ пана двӣсупи имесу тикесу нева паччайато на паччайуппаннато лаббхати. сесамидха̄пи па̄л̣ийам̣ а̄гатанайенева ведитаббам̣.

аджджхаттаттике аджджхаттабахиддха̄падам̣ на гахитам̣. аджджхаттабахиддха̄сан̇кха̄та̄ хи убхо ра̄сайо нева екато паччайа̄ хонти, на паччайуппанна̄; тасма̄ хаттхатале т̣хапитасса са̄сапасса ван̣н̣опи хаттхаталаван̣н̣ена саддхим̣ екато а̄рамман̣ам̣ на хотӣти ведитаббо. йатха̄ ча аджджхаттабахиддха̄падам̣, еваметтха аджджхатта̄рамман̣аттикепи аджджхаттабахиддха̄рамман̣ападам̣ на лаббхати. сесам̣ йатха̄па̄л̣имева ниййа̄ти.

санидассанаттикепи па̄л̣ивасенева аттхо гахетаббо. ган̣ана̄петтха па̄л̣ийам̣ а̄гатава̄ре сан̇кхипитва̄ хет̣т̣ха̄ вуттанайенева сам̣санданесу сам̣сандитва̄ ведитабба̄ти.

дхамма̄нуломе тикапат̣т̣ха̄наван̣н̣ана̄.