4. чатуттханайо сан̇гахитенасан̇гахитападаван̣н̣ана̄

191. ида̄ни сан̇гахитенасан̇гахитападам̣ бха̄джетум̣ самудайасаччена̄тиа̄ди а̄раддхам̣. таттха йам̣ кхандха̄дӣхи сан̇гахитена кхандха̄дивасена сан̇гахитам̣, пуна тассева кхандха̄дӣхи сан̇гахам̣ пуччхитва̄ виссаджджанам̣ катам̣. там̣ кхандха̄йатанадха̄тӯсу екампи сакалакот̣т̣ха̄сам̣ гахетва̄ т̣хитападесу на йуджджати. сакалена хи кхандха̄дипадена ан̃н̃ам̣ кхандха̄дивасена сан̇гахитам̣ на̄ма наттхи, йам̣ аттано сан̇га̄хакам̣ сан̇ган̣хитва̄ пуна тенева сан̇гахам̣ гаччхеййа. тасма̄ татха̄рӯпа̄ни пада̄ни имасмим̣ ва̄ре на гахита̄ни. йа̄ни пана пада̄ни сан̇кха̄рекадесам̣ ва̄ ан̃н̃ена асаммиссам̣ дӣпенти – веданекадесам̣ ва̄ сукхумарӯпам̣ ва̄ саддекадесам̣ ва̄, та̄ни идха гахита̄ни. тесам̣ идамудда̄нам̣ –

‘‘две сачча̄ паннарасиндрийа̄, ека̄даса пат̣иччапада̄;

уддхам̣ пуна ека̄даса, гоччхакападаметтха тим̣савидха’’нти.

пан̃ха̄ панеттха двейева хонти. таттха йам̣ пуччха̄йа уддхат̣ам̣ падам̣, тадева йехи дхаммехи кхандха̄дивасена сан̇гахитам̣, те дхамме сандха̄йа саббаттха екена кхандхена̄тиа̄ди вуттам̣. татра̄йам̣ найо – самудайасаччена хи тан̣ха̄ваджджа̄ сеса̄ сан̇кха̄ра̄ кхандха̄дисан̇гахена сан̇гахита̄. пуна техи тан̣ха̄ва сан̇гахита̄. са̄ тан̣ха̄ пуна сан̇кха̄рехева кхандха̄дисан̇гахена сан̇гахита̄ти. есева найо саббаттха. арӯпадхаммапуччха̄су панеттха сан̇кха̄раккхандхо ва̄ ведана̄ккхандхо ва̄ еко кхандхо на̄ма. рӯпадхаммапуччха̄су рӯпаккхандхо. паридевапуччха̄йа садда̄йатанам̣ екам̣ а̄йатанам̣ на̄ма. саддадха̄ту ека̄ дха̄ту на̄ма, сесат̣т̣ха̄несу дхамма̄йатанадхаммадха̄тувасенева аттхо ведитабботи.

сан̇гахитенасан̇гахитападаван̣н̣ана̄.