13. терасаманайо асан̇гахитенасампайуттавиппайуттападаван̣н̣ана̄

448. ида̄ни асан̇гахитенасампайуттавиппайуттападам̣ бха̄джетум̣ рӯпаккхандхена̄тиа̄ди а̄раддхам̣. таттха йе пан̃чаме асан̇гахитенаасан̇гахитападаниддесе рӯпаккхандхена садисапан̃ха̄ дхамма̄, йе ча арӯпабхавена садиса̄, тейева уддхат̣а̄. сеса̄ пана на рухантӣти на уддхат̣а̄. ведана̄ккхандхена хи кхандха̄дивасена пана рӯпа̄рӯпадхамма̄ асан̇гахита̄ хонти. тесан̃ча сампайого на̄ма наттхи. тасма̄ йа̄ни пада̄ни руханти, та̄нева садисависсаджджанехи саддхим̣ самодха̄нетва̄ уддхат̣а̄ни. таттха йе дхамма̄ пуччха̄йа уддхат̣адхаммехи кхандха̄дивасена асан̇гахита̄, те йехи сампайутта̄ ча виппайутта̄ ча, тесам̣ васена кхандха̄дивибха̄го ведитаббо.

татра̄йам̣ найо – рӯпаккхандхена та̄ва вин̃н̃а̄н̣амева тӣхи сан̇гахехи асан̇гахитам̣. там̣ ведана̄дӣхи тӣхи кхандхехи, дхамма̄йатанадхаммадха̄тӯсу ча ведана̄дӣхева сампайуттам̣. екена рӯпаккхандхена, дасахи рӯпа̄йатанарӯпадха̄тӯхи, дхамма̄йатанадхаммадха̄тӯсу ча рӯпанибба̄надхаммехи виппайуттам̣. там̣ сандха̄йа те дхамма̄ тӣхи кхандхехӣтиа̄ди вуттам̣. имина̄ найена саббаттха аттхо ведитабботи.

асан̇гахитенасампайуттавиппайуттападаван̣н̣ана̄.