14. чуддасаманайо виппайуттенасан̇гахита̄сан̇гахитападаван̣н̣ана̄

456. ида̄ни виппайуттенасан̇гахита̄сан̇гахитападам̣ бха̄джетум̣ рӯпаккхандхена̄тиа̄ди а̄раддхам̣. таттха йесам̣ пада̄нам̣ виппайого на рухати, та̄ни имасмим̣ ва̄ре на гахита̄ни. ка̄ни пана та̄нӣти? дхамма̄йатана̄дӣни. дхамма̄йатанасса хи кхандха̄дӣсу екена̄пи виппайого на рухати. дхаммадха̄туа̄дӣсупи есева найо. тесам̣ идамудда̄нам̣ –

‘‘дхамма̄йатанам̣ дхаммадха̄ту, джӣвитиндрийамева ча;

на̄марӯпападан̃чева, сал̣а̄йатанамева ча.

‘‘джа̄тиа̄диттайам̣ екам̣, падам̣ вӣсатиме тике;

тика̄васа̄никам̣ екам̣, сатта чӯл̣антаре пада̄.

‘‘дасева гоччхаке хонти, махантарамхи чуддаса;

чха пада̄ни тато уддхам̣ сабба̄нипи сама̄сато;

пада̄ни ча на лаббханти, чатта̄лӣсан̃ча сатта ча̄’’ти.

парийоса̄не ча – дхамма̄йатанам̣ дхаммадха̄тӯти га̄тха̄пи имамеваттхам̣ дӣпетум̣ вутта̄. има̄ни пана т̣хапетва̄ сеса̄ни сабба̄нипи лаббханти. тесу кхандха̄дивибха̄го вуттанайа̄нуса̄ренева ведитабботи.

виппайуттенасан̇гахита̄сан̇гахитападаван̣н̣ана̄.

нигаманакатха̄

етта̄вата̄ ча –

дха̄туппабхедакусало, йам̣ дха̄тукатхам̣ татха̄гато а̄ха;

тасса̄ найамукхабхеда-ппака̄санам̣ нит̣т̣хитам̣ хоти.

имина̄ найамукхабхеда-ппака̄санена хи вибха̄вина̄ сакка̄;

н̃а̄тум̣ саббепи найа̄, сан̇кхепакатха̄ва ити вутта̄.

екекасса пана саче, падасса виттха̄рамева бха̄сеййам̣;

вачанан̃ча ативийа бахум̣, бхавеййа аттхо ча ависесо.

ити ӯнабха̄н̣ава̄радвайа̄йа, йам̣ тантийа̄ майа̄ етам̣;

куруна̄ паттам̣ пун̃н̃ам̣, сукха̄йа там̣ хоту локасса̄ти.

дха̄тукатха̄-ат̣т̣хакатха̄ нит̣т̣хита̄.

намо тасса бхагавато арахато самма̄самбуддхасса

абхидхаммапит̣аке