12. два̄дасаманайо сампайуттенасан̇гахита̄сан̇гахитападаван̣н̣ана̄

417. ида̄ни сампайуттенасан̇гахита̄сан̇гахитападам̣ бха̄джетум̣ ведана̄ккхандхена̄тиа̄ди а̄раддхам̣. таттха йе сампайуттенасампайуттападаниддесе ведана̄ккхандха̄дайо дхамма̄ уддхат̣а̄, саббапуччха̄су тейева уддхат̣а̄. таттха йе дхамма̄ пуччха̄йа уддхат̣ападена сампайутта̄, тесам̣ йехи сан̇гахо ва̄ асан̇гахо ва̄ хоти, тесам̣ васена кхандха̄дибхедо ведитаббо.

татра̄йам̣ найо – ведана̄ккхандхо хи сан̃н̃а̄дӣхи сампайутто. те сан̃н̃а̄дайо тӣхи сан̃н̃а̄диккхандхехи, двӣхи дхамма̄йатанамана̄йатанехи, дхаммадха̄туйа̄ чева, саттахи ча вин̃н̃а̄н̣адха̄тӯхӣти ат̣т̣хахи дха̄тӯхи сан̇гахита̄, сеса̄хи кхандха̄йатанадха̄тӯхи асан̇гахита̄. имина̄ упа̄йена саббаттха аттхо ведитабботи.

сампайуттенасан̇гахита̄сан̇гахитападаван̣н̣ана̄.