7. тикападаван̣н̣ана̄

77. евам̣ аббхантарама̄тика̄йа сан̇гахам̣ дассетва̄ ида̄ни ба̄хирама̄тика̄йа сан̇гахам̣ дассетум̣ кусала̄ дхамма̄тиа̄ди а̄раддхам̣. таттха ведана̄ттике тӣхи дха̄тӯхӣти ка̄йавин̃н̃а̄н̣амановин̃н̃а̄н̣адхаммадха̄тӯхи. саттахи дха̄тӯхӣти чаккхусотагха̄надживха̄вин̃н̃а̄н̣адха̄тӯхи чева манодха̄тудхаммадха̄тумановин̃н̃а̄н̣адха̄тӯхи ча. випа̄каттике ат̣т̣хахи дха̄тӯхӣти ка̄йавин̃н̃а̄н̣адха̄туйа̄ саддхим̣ та̄хийева. випа̄кадхаммадхамма̄ пана сам̣килит̣т̣хасам̣килесикехи саддхим̣ садисависсаджджанатта̄ екато гахита̄. йатха̄ чете, евам̣ саббатикадукападесу йам̣ йам̣ падам̣ йена йена падена саддхим̣ садисависсаджджанам̣ хоти, там̣ там̣ уппат̣ипа̄т̣ийа̄пи тена тена саддхим̣ гахетва̄ виссаджджитам̣. таттха вутта̄нуса̄ренева сан̇гаха̄сан̇гаханайо ведитабботи.

сан̇гаха̄сан̇гахападаван̣н̣ана̄.