6. севана̄суттаван̣н̣ана̄

6. чхат̣т̣хе джӣвитапариккха̄ра̄ти джӣвитасамбха̄ра̄. самуда̄нетабба̄ти сама̄харитабба̄. касирена самуда̄гаччхантӣти дуккхена уппаджджанти. раттибха̄гам̣ ва̄ дивасабха̄гам̣ ва̄ти еттха раттибха̄ге н̃атва̄ раттибха̄гейева паккамитаббам̣, раттим̣ чан̣д̣ава̄л̣а̄дипарипантхе сати арун̣уггаманам̣ а̄гаметаббам̣. дивасабха̄ге н̃атва̄ дива̄ паккамитаббам̣, дива̄ парипантхе сати сӯрийаттхан̇гаманам̣ а̄гаметаббам̣. сан̇кха̄пӣти са̄ман̃н̃аттхасса бха̄вана̄па̄рипӯриа̄гаманам̣ джа̄нитва̄. со пуггалоти падасса пана ‘‘на̄нубандхитаббо’’ти имина̄ самбандхо. ана̄пуччха̄ти идха пана там̣ пуггалам̣ ана̄пуччха̄ паккамитаббанти аттхо. апи пануджджама̄нена̄ти апи никкад̣д̣хийама̄нена. еварӯпо хи пуггало сачепи да̄рукала̄пасатам̣ ва̄ удакагхат̣асатам̣ ва̄ ва̄лика̄гхат̣асатам̣ ва̄ дан̣д̣ам̣ а̄ропети, ма̄ идха васӣти никкад̣д̣ха̄пети ва̄, там̣ кхама̄петва̄пи йа̄ваджӣвам̣ со анубандхитаббова, на виджахитаббо.