7. сутава̄суттаван̣н̣ана̄

7. саттаме пан̃ча т̣ха̄на̄ни аджджха̄чаритунти пан̃ча ка̄ран̣а̄ни атиккамитум̣. па̄н̣анти антамасо кунтхакипилликам̣. адиннанти антамасо тин̣асала̄кампи парасантакам̣. тхеййасан̇кха̄танти тхеййачиттена. саннидхика̄ракам̣ ка̄ме парибхун̃джитунти саннидхим̣ катва̄ т̣хапетва̄ ваттхука̄макилесака̄ме парибхун̃джитум̣ абхаббо. акаппийам̣ ка̄магун̣ам̣ сандха̄йетам̣ вуттам̣. буддхам̣ паччаккха̄тунти ‘‘на буддхо айа’’нти евам̣ пат̣иккхипитум̣. дхамма̄дӣсупи есева найо. евам̣ та̄ва ат̣т̣хакатха̄йа а̄гатам̣. па̄л̣ийам̣ пана имасмим̣ сутте агатигамана̄ни катхита̄ни.