7. лока̄йатикасуттаван̣н̣ана̄

38. саттаме лока̄йатика̄ти лока̄йатава̄дака̄. сататанти сада̄. самитанти нирантарам̣. тит̣т̣хатетанти тит̣т̣хату етам̣, ма̄ етам̣ пат̣т̣хапетха, ко во етена аттхо. дхаммам̣ во бра̄хман̣а̄ десесса̄мӣти ахам̣ во чатусаччадхаммам̣ десесса̄ми.

дал̣хадхаммоти дал̣хадханум̣ гахетва̄ т̣хито. дхануггахоти исса̄со. дал̣хадхану на̄ма двисахассатха̄мам̣ вуччати. двисахассатха̄мам̣ на̄ма йасса а̄ропитасса джийа̄баддхо лохасӣса̄дӣнам̣ бха̄ро дан̣д̣е гахетва̄ йа̄ва кан̣д̣аппама̄н̣а̄ уккхиттасса патхавито муччати. сиккхитоти даса два̄даса васса̄ни а̄чарийакуле уггахитасиппо. катахаттхоти еко сиппамева угган̣ха̄ти, катахаттхо на хоти айам̣ пана катахаттхо чин̣н̣авасибха̄во. катӯпа̄саноти ра̄джакула̄дӣсу дасситасиппо. лахукена асанена̄ти анто сусирам̣ катва̄ тӯла̄дӣхи пӯретва̄ каталаккхапарикаммена саллахукакан̣д̣ена. евам̣ катан̃хи екаусабхага̄мӣ две усабха̄нипи гаччхати…пе… ат̣т̣хусабхага̄мӣ сол̣аса усабха̄нипи гаччхати. аппакасирена̄ти ниддуккхена. атипа̄теййа̄ти атиккамеййа. идам̣ вуттам̣ хоти – йатха̄ со дхануггахо там̣ видаттхичатуран̇гулам̣ чха̄йам̣ сӣгхамева атикка̄мети, евам̣ сакалачаккава̄л̣ам̣ сӣгхам̣ сӣгхам̣ атиккаманасаматтхена джавена саманна̄гато. сандха̄ваника̄йа̄ти падаса̄ дха̄ванена. евама̄хам̣сӯти евам̣ ваданти.