8. дева̄сурасан̇га̄масуттаван̣н̣ана̄

39. ат̣т̣хаме самупабйӯл̣хо ахосӣти паччупат̣т̣хито ахоси. сан̇га̄меййа̄ма̄ти сан̇га̄мам̣ кареййа̄ма йуджджхеййа̄ма. апайим̣суйева̄ти пала̄йим̣суйева. уттарена̄бхимукха̄ти уттара̄мукха̄ хутва̄. абхийанте ва̄ти анубандхантийева. бхӣрутта̄нагатена̄ти бхӣрутта̄нам̣ бхайанива̄ран̣ам̣ патит̣т̣ха̄нам̣ гатена. акаран̣ӣйа̄ти йуддхена кин̃чи акаттабба̄. касма̄ пана несам̣ сан̇га̄мо хотӣти? асура̄ хи пуббе та̄ватим̣сава̄сино, те читтапа̄т̣алийа̄ пуппханака̄ле диббапа̄риччхаттакапуппхам̣ ануссаранти. тато уппаннакодха̄ ‘‘ган̣хатха деве’’ти саммукхасаммукхат̣т̣ха̄ненева синерум̣ абхируханти, дева̄пи никкхаманти. тесам̣ гопа̄лакада̄рака̄нам̣ ан̃н̃аман̃н̃ам̣ дан̣д̣акехи пахаран̣асадисам̣ йуддхам̣ хоти. сакко девара̄джа̄ хет̣т̣ха̄ пан̃часу т̣ха̄несу а̄раккхам̣ т̣хапетва̄ упари девапурам̣ парива̄ретва̄ аттасадиса̄ ваджирахаттха̄ пат̣има̄ т̣хапа̄песи. асура̄ хет̣т̣ха̄ пан̃ча т̣ха̄на̄ни пат̣иба̄хитва̄ абхирул̣ха̄ индапат̣има̄йо дисва̄ ниваттитва̄ асурапурамева гаччханти.

даккхин̣ена̄бхимукха̄ти даккхин̣а̄мукха̄ хутва̄. ападам̣ вадхитва̄ти ниппадам̣ ниравасесам̣ вадхитва̄. адассанам̣ гатоти ма̄ропи ват̣т̣апа̄дакам̣ катва̄ рӯпа̄вачарачатуттхаджджха̄нам̣ сама̄паннасса читтам̣ джа̄на̄ти, тадева випассана̄па̄дакам̣ катва̄ сама̄паннасса читтам̣ джа̄на̄ти. арӯпа̄вачарасама̄патти пана ват̣т̣апа̄да̄ ва̄ хоту випассана̄па̄да̄ ва̄, там̣ сама̄паннасса ма̄ро читтам̣ на джа̄на̄ти. тена вуттам̣ – ‘‘адассанам̣ гато па̄пимато’’ти.