8. саппурисасуттаван̣н̣ана̄

38. ат̣т̣хаме аттха̄йа̄ти аттхаттха̄йа. хита̄йа сукха̄йа̄ти хитаттха̄йа сукхаттха̄йа. пуббапета̄нанти паралокагата̄нам̣ н̃а̄тӣнам̣. имасмим̣ сутте ануппанне буддхе чаккаваттира̄джа̄но бодхисатта̄ паччекабуддха̄ лаббханти, буддхака̄ле буддха̄ чева буддхаса̄вака̄ ча. йатха̄вутта̄нан̃хи етесам̣ аттха̄йа хита̄йа сукха̄йа сам̣ваттанти. бахуннам̣ вата аттха̄йа, саппан̃н̃о гхарама̄васанти саппан̃н̃о гхаре васанто бахӯнам̣ вата аттха̄йа хоти. пуббети пат̣хамева. пуббекатамануссаранти ма̄та̄питӯнам̣ пуббака̄рагун̣е ануссаранто. сахадхаммена̄ти сака̄ран̣ена паччайапӯджанена пӯджети. апаче брахмача̄райоти брахмача̄рино апачайати, нӣчавуттитам̣ несам̣ а̄паджджати. песалоти пийасӣло.