8. дутийабаласуттаван̣н̣ана̄

28. ат̣т̣хаме бала̄нӣти н̃а̄н̣абала̄ни. а̄сава̄нам̣ кхайам̣ пат̣иджа̄на̄тӣти арахаттам̣ пат̣иджа̄на̄ти. аниччатоти хутва̄ абха̄ва̄ка̄рена. йатха̄бхӯтанти йатха̄сабха̄вато. саммаппан̃н̃а̄йа̄ти сахавипассана̄йа маггапан̃н̃а̄йа. ан̇га̄рака̄сӯпама̄ти санта̄панат̣т̣хена ан̇га̄рака̄суйа̄ упамита̄ име ка̄ма̄ти. вивеканиннанти пхаласама̄паттивасена нибба̄наниннам̣. вивекат̣т̣ханти килесехи ваджджитам̣ дӯрӣбхӯтам̣ ва̄. неккхамма̄бхиратанти паббаджджа̄бхиратам̣. бйантибхӯтанти вигатантабхӯтам̣ екадесена̄пи аналлӣнам̣ висам̣йуттам̣ висам̣сат̣т̣хам̣. а̄сават̣т̣ха̄нийехӣти сампайогавасена а̄сава̄нам̣ ка̄ран̣абхӯтехи, килесадхаммехӣти аттхо. атха ва̄ бйантибхӯтанти вигатава̄йанти аттхо. куто? саббасо а̄сават̣т̣ха̄нийехи дхаммехи, саббехи тебхӯмакадхаммехӣти аттхо. имасмим̣ сутте арийамагго локийалокуттаро катхито.