5. пат̣хамалокадхаммасуттаван̣н̣ана̄

5. пан̃чаме локасса дхамма̄ти локадхамма̄. етехи мутта̄ на̄ма наттхи, буддха̄нампи хонти. тенева̄ха – локам̣ анупариваттантӣти анубандханти наппаджаханти, локато на ниваттантӣти аттхо. локо ча ат̣т̣ха локадхамме анупариваттатӣти айан̃ча локо ете анубандхати на паджахати, техи дхаммехи на ниваттатӣти аттхо.

ла̄бхо ала̄бхоти ла̄бхе а̄гате ала̄бхо а̄гатойева̄ти ведитаббо. айаса̄дӣсупи есева найо. авеккхати випарин̣а̄мадхаммети ‘‘випарин̣а̄мадхамма̄ име’’ти евам̣ авеккхати. видхӯпита̄ти видхамита̄ виддхам̣сита̄. падан̃ча н̃атва̄ти нибба̄нападам̣ джа̄нитва̄. саммаппаджа̄на̄ти бхавасса па̄рагӯти бхавасса па̄рам̣ гато ниппхаттим̣ маттхакам̣ патто, нибба̄нападам̣ н̃атва̄ва там̣ па̄рам̣ гатабха̄вам̣ саммаппаджа̄на̄тӣти. имасмим̣ сутте ват̣т̣авиват̣т̣ам̣ катхитам̣.