4. дутийасаттакасуттаван̣н̣ана̄
24. чатуттхе на камма̄ра̄ма̄ти йе дивасам̣ чӣваракамма-ка̄йабандханапарисса̄вана-дхаммакаран̣а-саммаджджани-па̄дакат̣халика̄дӣнева каронти, те сандха̄йеса пат̣иккхепо. йо пана тесам̣ каран̣авела̄йа евам̣ ета̄ни кароти, уддесавела̄йа уддесам̣ ган̣ха̄ти, саджджха̄йавела̄йа саджджха̄йати, четийан̇ган̣аваттавела̄йа четийан̇ган̣аваттам̣ кароти, манасика̄равела̄йа манасика̄рам̣ кароти, на со камма̄ра̄мо на̄ма.
йо иттхиван̣н̣апурисаван̣н̣а̄дивасена а̄ла̄пасалла̄пам̣ каронтойева раттиндивам̣ вӣтина̄мети, еварӯпе бхассе парийантака̄рӣ на хоти, айам̣ бхасса̄ра̄мо на̄ма. йо пана раттиндивам̣ дхаммам̣ катхети, пан̃хам̣ виссаджджети, айам̣ аппабхассова бхассе парийантака̄рӣйева. касма̄? ‘‘саннипатита̄нам̣ во, бхиккхаве, двайам̣ каран̣ӣйам̣ дхаммӣ ва̄ катха̄ арийо ва̄ тун̣хӣбха̄во’’ти (ма. ни. 1.273) вуттатта̄.
йо т̣хитопи гаччхантопи нисиннопи тхинамиддха̄бхибхӯто нидда̄йатийева, айам̣ нидда̄ра̄мо на̄ма. йасса пана караджака̄йагелан̃н̃ена читтам̣ бхаван̇гам̣ отарати, на̄йам̣ нидда̄ра̄мо. тенева̄ха – ‘‘абхиджа̄на̄махам̣, аггивессана, гимха̄нам̣ паччхиме ма̄се паччха̄бхаттам̣ пин̣д̣апа̄таппат̣икканто чатуггун̣ам̣ сан̇гха̄т̣им̣ пан̃н̃апетва̄ даккхин̣ена пассена сато сампаджа̄но ниддам̣ оккамита̄’’ти (ма. ни. 1.387).
йо ‘‘екасса дутийо, двиннам̣ татийо, тин̣н̣ам̣ чатуттхо’’ти евам̣ сам̣сат̣т̣хова вихарати, екако асса̄дам̣ на лабхати, айам̣ сан̇ган̣ика̄ра̄мо. йо пана чатӯсу ирийа̄патхесу екакова асса̄дам̣ лабхати, на̄йам̣ сан̇ган̣ика̄ра̄мо.
асантасамбха̄ваниччха̄йа саманна̄гата̄ дуссӣла̄ па̄пиччха̄ на̄ма. йесам̣ па̄пака̄ митта̄ чатӯсу ирийа̄патхесу саха айанато па̄пасаха̄йа̄, йе ча танниннатаппон̣атаппаббха̄рата̄йа па̄песу сампаван̇ка̄, те па̄памитта̄ па̄пасаха̄йа̄ па̄пасампаван̇ка̄ на̄ма.
ораматтакена̄ти авараматтакена аппаматтакена. антара̄ти арахаттам̣ аппатва̄ва еттхантаре. воса̄нанти паринит̣т̣хитабха̄вам̣ ‘‘аламетта̄вата̄’’ти осакканам̣. идам̣ вуттам̣ хоти – йа̄ва сӣлапа̄рисуддхиджджха̄навипассана̄ сота̄паннабха̄ва̄дӣнам̣ ан̃н̃атараматтакена воса̄нам̣ на̄паджджиссанти, та̄ва вуддхийева бхиккхӯнам̣ па̄т̣икан̇кха̄, но париха̄нӣти.