5. да̄рукаммикасуттаван̣н̣ана̄

59. пан̃чаме да̄рукаммикоти да̄рувиккайена паваттита̄джӣво еко упа̄сако. ка̄сикачандананти сан̣хачанданам̣. ан̇гена̄ти агун̣ан̇гена, суккапаккхе гун̣ан̇гена. немантаникоти нимантанам̣ ган̣ханако. сан̇гхе да̄нам̣ дасса̄мӣти бхиккхусан̇гхасса дасса̄ми. со евам̣ ватва̄ саттха̄рам̣ абхива̄детва̄ пакка̄ми. атхасса апарабха̄ге пан̃часата̄ кулӯпака̄ бхиккхӯ гихибха̄вам̣ па̄пун̣им̣су. со ‘‘кулӯпакабхиккхӯ те виббханта̄’’ти вутте ‘‘ким̣ еттха майха’’нти ватва̄ читтуппа̄давематтаматтампи на ака̄си. идам̣ сандха̄йа саттха̄ сан̇гхе те да̄нам̣ дадато читтам̣ пасӣдиссатӣти а̄ха.