4. маха̄чундасуттаван̣н̣ана̄

46. чатуттхе четӣсӯти четират̣т̣хе. сайам̣джа̄тийанти евам̣на̄маке нигаме. маха̄чундоти дхаммасена̄патисса канит̣т̣хабха̄тико. дхамме його ануйого етесанти дхаммайога̄. дхаммакатхика̄нам̣ етам̣ на̄мам̣. джха̄йантӣти джха̄йӣ. апаса̄дентӣти гхат̣т̣енти хим̣санти. джха̄йантӣти чинтенти. паджджха̄йантӣтиа̄дӣни упасаггавасена вад̣д̣хита̄ни. кимиме джха̄йантӣти ким̣ на̄ма име джха̄йанти. кинтиме джха̄йантӣти киматтхам̣ име джха̄йанти. катхам̣ име джха̄йантӣти кена ка̄ран̣ена име джха̄йанти. аматам̣ дха̄тум̣ ка̄йена пхуситва̄ вихарантӣти маран̣авирахитам̣ нибба̄надха̄тум̣ сандха̄йа каммат̣т̣ха̄нам̣ гахетва̄ вихаранта̄ ануккамена там̣ на̄мака̄йена пхуситва̄ вихаранти. гамбхӣрам̣ аттхападанти гул̣хам̣ пат̣иччханнам̣ кхандхадха̄туа̄йатана̄диаттхам̣. пан̃н̃а̄йа ативиджджха пассантӣти сахавипассана̄йа маггапан̃н̃а̄йа пат̣ивиджджхитва̄ пассанти. имасмим̣ панаттхе саммасанапат̣иведхапан̃н̃а̄пи уггахапарипуччха̄пан̃н̃а̄пи ват̣т̣атийева̄ти.