6. вива̄дамӯласуттаван̣н̣ана̄

36. чхат̣т̣хе вива̄дамӯла̄нӣти вива̄дасса мӯла̄ни. кодханоти куджджханалаккхан̣ена кодхена саманна̄гато. упана̄хӣти верааппат̣иниссаггалаккхан̣ена упана̄хена саманна̄гато. ахита̄йа дуккха̄йа деваманусса̄нанти двиннам̣ бхиккхӯнам̣ вива̄до катхам̣ деваманусса̄нам̣ ахита̄йа дуккха̄йа сам̣ваттати? косамбакаккхандхаке вийа двӣсу бхиккхӯсу вива̄дам̣ а̄паннесу тасмим̣ виха̄ре тесам̣ антева̄сика̄ виваданти, тесам̣ ова̄дам̣ ган̣ханто бхиккхунисан̇гхо вивадати. тато тесам̣ упат̣т̣ха̄ка̄ виваданти, атха манусса̄нам̣ а̄раккхадевата̄ две кот̣т̣ха̄са̄ хонти. татха̄ дхаммава̄дӣнам̣ а̄раккхадевата̄ дхаммава̄динийо хонти, адхаммава̄дӣнам̣ адхаммава̄динийо. тато а̄раккхадевата̄нам̣ митта̄ бхуммадевата̄ бхиджджанти. евам̣ парампара̄йа йа̄ва брахмалока̄ т̣хапетва̄ арийаса̄ваке саббе деваманусса̄ две кот̣т̣ха̄са̄ хонти. дхаммава̄дӣхи пана адхаммава̄динова бахутара̄ хонти. тато йам̣ бахукехи гахитам̣, там̣ гаччханти. дхаммам̣ виссаджджетва̄ бахутара̄ва адхаммам̣ ган̣ханти. те адхаммам̣ пураккхатва̄ вихаранта̄ апа̄йе ниббаттанти. евам̣ двиннам̣ бхиккхӯнам̣ вива̄до деваманусса̄нам̣ ахита̄йа дуккха̄йа хоти. аджджхаттам̣ ва̄ти тумха̄кам̣ аббхантарапариса̄йа. бахиддха̄ти паресам̣ париса̄йа.

маккхӣти паресам̣ гун̣амаккханалаккхан̣ена маккхена саманна̄гато. пал̣а̄сӣти йугагга̄халаккхан̣ена пал̣а̄сена саманна̄гато. иссукӣти парасса сакка̄ра̄дӣни исса̄йаналаккхан̣а̄йа исса̄йа саманна̄гато. маччхарӣти а̄ва̄самаччхарийа̄дӣхи саманна̄гато. сат̣хоти кера̄т̣ико. ма̄йа̄вӣти катапат̣иччха̄дако. па̄пиччхоти асантасамбха̄ваниччхако дуссӣло. миччха̄дит̣т̣хӣти наттхикава̄дӣ, ахетува̄дӣ, акирийава̄дӣ. сандит̣т̣хипара̄ма̄сӣти сайам̣ дит̣т̣хамева пара̄масати. а̄дха̄нагга̄хӣти дал̣хагга̄хӣ. дуппат̣иниссаггӣти на сакка̄ хоти гахитам̣ виссаджджа̄петум̣. имасмим̣ сутте ват̣т̣амева катхитам̣.