5. пин̇гийа̄нӣсуттаван̣н̣ана̄

195. пан̃чаме нӣла̄ти идам̣ саббасан̇га̄хикам̣. нӣлаван̣н̣а̄тиа̄ди тассева вибха̄гадассанам̣. таттха на тесам̣ пакативан̣н̣о нӣло, нӣлавилепанавилиттатта̄ панетам̣ вуттам̣. нӣлаваттха̄ти пат̣адукӯлакосеййа̄дӣнипи тесам̣ нӣла̄нева хонти. нӣла̄лан̇ка̄ра̄ти нӣламан̣ӣхи нӣлапуппхехи алан̇ката̄, тесам̣ хаттха̄лан̇ка̄ра-асса̄лан̇ка̄ра-ратха̄лан̇ка̄ра-са̄н̣ивита̄накан̃чука̄пи саббе нӣла̄йева хонти. имина̄ найена саббападесу аттхо ведитаббо.

падумам̣ йатха̄ти йатха̄ сатапаттам̣ раттападумам̣. коканаданти тассева вевачанам̣. па̄тоти пагева сурийуггаманака̄ле. сийа̄ти бхавеййа. авӣтагандханти авигатагандхам̣. ан̇гӣрасанти бхагавато ан̇гаман̇гехи расмийо ниччхаранти, тасма̄ ан̇гӣрасоти вуччати. тапантама̄диччамиванталиккхети двисахассадӣпапарива̄ресу чатӯсу маха̄дӣпесу а̄локакаран̣авасена анталиккхе тапантам̣ а̄диччам̣ вийа вирочама̄нам̣. ан̇гӣрасам̣ пасса̄ти атта̄намева ва̄ маха̄джанам̣ ва̄ сандха̄йа евам̣ вадати.