9. гихисуттаван̣н̣ана̄

179. наваме сам̣вутакаммантанти пихитакаммантам̣. а̄бхичетасика̄нанти уттамачиттаниссита̄нам̣. дит̣т̣хадхаммасукхавиха̄ра̄нанти паччаккхейева дхамме паваттиккхан̣е сукхавиха̄ра̄нам̣. арийакантехӣти арийа̄нам̣ кантехи маггапхаласӣлехи.

арийадхаммам̣ сама̄да̄йа̄ти еттха арийадхаммоти пан̃ча сӣла̄ни катхита̄ни. мерайам̣ ва̄рун̣инти чатуббидхам̣ мерайам̣ пан̃чавидхан̃ча сурам̣. дхамман̃ча̄нувитаккайети нававидхам̣ локуттарадхаммам̣ ануссативасенева витаккеййа. абйа̄паджджхам̣ хитам̣ читтанти ниддуккхам̣ метта̄дибрахмавиха̄рачиттам̣. девалока̄йа бха̄вайети брахмалокаттха̄йа бха̄веййа. пун̃н̃аттхасса джигӣсатоти пун̃н̃ена аттхикасса пун̃н̃ам̣ гавесантасса. сантесӯти буддхапаччекабуддхататха̄гатаса̄вакесу. випула̄ хоти даккхин̣а̄ти евам̣ диннада̄нам̣ махаппхалам̣ хоти. анупуббена̄ти сӣлапӯран̣а̄дина̄ ануккамена. сесам̣ тиканипа̄те вуттаттхамева.