10. какудхатхерасуттаван̣н̣ана̄

100. дасаме аттабха̄вапат̣ила̄бхоти сарӣрапат̣ила̄бхо. две ва̄ тӣн̣и ва̄ ма̄гадхака̄ни га̄маккхетта̄нӣти еттха ма̄гадхикам̣ га̄маккхеттам̣ аттхи кхуддакам̣, аттхи маджджхимам̣, аттхи махантам̣. кхуддакам̣ га̄маккхеттам̣ ито чатта̄лӣсам̣ усабха̄ни, ито чатта̄лӣсанти га̄вутам̣ хоти, маджджхимам̣ ито га̄вутам̣, ито га̄вутанти ад̣д̣хайоджанам̣ хоти, махантам̣ ито дийад̣д̣хага̄вутам̣, ито дийад̣д̣хага̄вутанти тига̄вутам̣ хоти. тесу кхуддакена га̄маккхеттена тӣн̣и, кхуддакена ча маджджхимена ча две га̄маккхетта̄ни тасса аттабха̄во. тига̄вутан̃хисса сарӣрам̣. парихарисса̄мӣти пат̣иджаггисса̄ми гопайисса̄ми. раккхассетанти раккхассу етам̣. могхапурисоти туччхапурисо. на̄ссасса̄ти на етасса бхавеййа. самуда̄чареййа̄ма̄ти катхеййа̄ма. самманнатӣти самма̄нам̣ кароти. йам̣ тумо кариссати тумова тена пан̃н̃а̄йиссатӣти йам̣ еса кариссати, есова тена каммена па̄кат̣о бхависсати. сесам̣ саббаттха утта̄наттхамева̄ти.

какудхавагго пан̃чамо.