8. алаббханӣйат̣ха̄насуттаван̣н̣ана̄

48. ат̣т̣хаме алаббханӣйа̄нӣти аладдхабба̄ни, на сакка̄ лабхитум̣. т̣ха̄на̄нӣти ка̄ран̣а̄ни. джара̄дхаммам̣ ма̄ джӣрӣти йам̣ майхам̣ джара̄сабха̄вам̣, там̣ ма̄ джӣрату. сесападесупи есева найо. наччха̄деййа̄ти на руччеййа. аббухӣти нӣхари.

йатоти йасмим̣ ка̄ле. а̄пада̄сӯти упаддавесу. на ведхатӣти на кампати на̄нусочати. аттхавиниччхайан̃н̃ӯти ка̄ран̣аттхавиниччхайе кусало. пура̄н̣анти ниббика̄рата̄йа пора̄н̣акамева. джаппена̄ти ван̣н̣абхан̣анена. мантена̄ти маха̄нубха̄вамантапариваттанена. субха̄ситена̄ти субха̄ситакатханена. ануппада̄нена̄ти сатасса ва̄ сахассасса ва̄ да̄нена. павен̣ийа̄ ва̄ти кулавам̣сена ва̄, ‘‘идам̣ амха̄кам̣ павен̣ийа̄ а̄чин̣н̣ам̣, идам̣ ана̄чин̣н̣а’’нти евам̣ павен̣икатханена̄ти аттхо. йатха̄ йатха̄ йаттха лабхетха аттханти етесу джаппа̄дӣсу йена йена йаттха йаттха т̣ха̄не джара̄дхамма̄дӣнам̣ аджӣран̣ата̄диаттхам̣ лабхеййа. татха̄ татха̄ таттха параккамеййа̄ти тена тена тасмим̣ тасмим̣ т̣ха̄не параккамам̣ кареййа. каммам̣ дал̣ханти ват̣т̣ага̄микаммам̣ майа̄ тхирам̣ катва̄ а̄йӯхитам̣, сва̄хам̣ ида̄ни кинти каромӣти евам̣ паччавеккхитва̄ адхива̄сеййа̄ти.