2. чундӣсуттаван̣н̣ана̄

32. дутийе пан̃чахи ратхасатехӣти бхуттапа̄тара̄са̄ питу сантикам̣ песетва̄ пан̃ча ратхасата̄ни йоджа̄петва̄ техи паривута̄ти аттхо. упасан̇камӣти бха̄тара̄ саддхим̣ паваттитам̣ пан̃хаса̄каччхам̣ пуччхисса̄мӣти гандхама̄лачун̣н̣а̄дӣни а̄да̄йа упасан̇ками. йадева со хотӣти йада̄ ева со хоти. атха ва̄ йо ева со хоти. арийаканта̄ни сӣла̄нӣти маггапхаласампайутта̄ни сӣла̄ни. та̄ни хи арийа̄нам̣ канта̄ни хонти, бхавантарепи на париччаджанти. сесам̣ чатукканипа̄те аггаппаса̄дасутте вуттанайенева ведитаббам̣.