9. чан̇камасуттаван̣н̣ана̄
29. наваме аддха̄наккхамо хотӣти дӯрам̣ аддха̄намаггам̣ гаччханто кхамати, адхива̄сетум̣ саккоти. падха̄наккхамоти вӣрийаккхамо. чан̇кама̄дхигато сама̄дхӣти чан̇камам̣ адхит̣т̣хахантена адхигато ат̣т̣ханнам̣ сама̄паттӣнам̣ ан̃н̃атарасама̄дхи. чират̣т̣хитико хотӣти чирам̣ тит̣т̣хати. т̣хитакена гахитанимиттан̃хи нисиннасса нассати, нисиннена гахитанимиттам̣ нипаннасса. чан̇камам̣ адхит̣т̣хахантена чалита̄рамман̣е гахитанимиттам̣ пана т̣хитассапи нисиннассапи нипаннассапи на нассатӣти.