1. сан̇гхабхедакасуттаван̣н̣ана̄

243. пан̃чамасса пат̣хаме апи ну там̣, а̄нанда, адхикаран̣анти вива̄да̄дхикаран̣а̄дӣсу ан̃н̃атарам̣ адхикаран̣ам̣ бхиккхусан̇гхасса уппаджджи, саттха̄ тасса вӯпасантабха̄вам̣ пуччханто евама̄ха. куто там̣, бхантети, бханте, куто кинти кена ка̄ран̣ена там̣ адхикаран̣ам̣ вӯпасамиссатӣти вадати. кевалакаппанти сакалам̣ самантато. сан̇гхабхеда̄йа т̣хитоти сан̇гхена саддхим̣ ва̄даттха̄йа катхитам̣ пат̣икатхентова т̣хито. татра̄йасма̄ти тасмим̣ евам̣ т̣хите а̄йасма̄ ануруддхо. на екава̄чикампи бхан̣итаббам̣ ман̃н̃атӣти ‘‘ма̄, а̄вусо, сан̇гхена саддхим̣ евам̣ авача̄’’ти екавачанампи ваттаббам̣ на ман̃н̃ати. войун̃джатӣти ануйун̃джати ануйогам̣ а̄паджджати. аттхавасети ка̄ран̣авасе. на̄сессантӣти упосатхаппава̄ран̣ам̣ упагантум̣ адатва̄ никкад̣д̣хиссанти. сесам̣ па̄л̣ивасенева ведитаббам̣.