(21) 1. саппурисавагго

1-6. сиккха̄падасуттаван̣н̣ана̄

201. пан̃чамасса пат̣хаме асаппурисанти ла̄макапурисам̣ туччхапурисам̣ мӯл̣хапурисам̣ авиджджа̄йа андхӣкатам̣ ба̄лам̣. асаппурисатаранти атирекена асаппурисам̣. итаре две вуттапат̣ипаккхавасена ведитабба̄. сесаметтха утта̄наттхамева. йатха̄ четтха, евам̣ ито паресу пан̃часу. етесу хи пат̣хамам̣ пан̃чаверавасена деситам̣, дутийам̣ ассаддхаммавасена, татийам̣ ка̄йавачӣдва̄равасена, чатуттхам̣ манодва̄равасена, пан̃чамам̣ ат̣т̣хамиччхаттавасена, чхат̣т̣хам̣ дасамиччхаттавасена.

7-10. па̄падхаммасуттачатуккаван̣н̣ана̄

207-210. саттаме па̄панти ла̄макам̣ сам̣килит̣т̣хапуггалам̣. калйа̄н̣анти бхаддакам̣ анаваджджапуггалам̣. сесаметтха утта̄наттхамева. ат̣т̣хамепи есева найо. наваме па̄падхамманти ла̄макадхаммам̣. калйа̄н̣адхамманти анаваджджадхаммам̣. сесаметтха утта̄наттхамева. дасамепи есева найо. имасмим̣ вагге дасасупи суттесу ага̄рийаппат̣ипада̄ катхита̄. сачепи сота̄паннасакада̄га̄мино хонти, ват̣т̣атийева̄ти.

саппурисавагго пат̣хамо.