(22) 2. париса̄вагго

1. париса̄суттаван̣н̣ана̄

211. дутийасса пат̣хаме парисам̣ дӯсентӣти парисадӯсана̄. парисам̣ собхентӣти парисасобхана̄.

2. дит̣т̣хисуттаван̣н̣ана̄

212. дутийе манодуччарите парийа̄панна̄пи миччха̄дит̣т̣хи маха̄са̄ваджджата̄йа висум̣ вутта̄, тасса̄ ча пат̣ипаккхавасена самма̄дит̣т̣хи.

3. акатан̃н̃ута̄суттаван̣н̣ана̄

213. татийе акатан̃н̃ута̄ акатаведита̄ти акатан̃н̃ута̄йа акатаведита̄йа. убхайампетам̣ аттхато екамева. суккапаккхепи есева найо.

4-7. па̄н̣а̄типа̄тӣсутта̄диван̣н̣ана̄

214-217. чатуттхам̣ чатуннам̣ каммакилеса̄нам̣ таппат̣ипаккхасса ча васена вуттам̣, пан̃чамам̣ суккапаккха̄нам̣ а̄дито чатуннам̣ миччхатта̄нам̣ васена, чхат̣т̣хам̣ авасеса̄нам̣ чатуннам̣, саттамам̣ анарийавоха̄раарийавоха̄ра̄нам̣. татха̄ ат̣т̣хаманавамадасама̄ни саппат̣ипаккха̄нам̣ ассаддхамма̄нам̣ васена вутта̄ни. саббасуттесу пана суккапаккхадхамма̄ локийалокуттарамиссака̄ва катхита̄. навасу суттесу кин̃ча̄пи ‘‘сагге’’ти вуттам̣, тайо пана магга̄ тӣн̣и ча пхала̄ни лаббхантийева̄ти.

париса̄вагго дутийо.