3. бхаддийасуттаван̣н̣ана̄

193. татийе упасан̇камӣти бхуттапа̄тара̄со хутва̄ ма̄ла̄гандхавилепанам̣ гахетва̄ бхагавантам̣ вандисса̄мӣти упасан̇ками. ма̄ ануссавена̄тиа̄дӣсу ануссававачанена мама катхам̣ ма̄ ган̣хатха̄ти имина̄ найена аттхо ведитаббо. са̄рамбхоти каран̣уттарийалаккхан̣о са̄рамбхо. алобха̄дайо лобха̄дипат̣ипаккхавасена ведитабба̄. кусаладхаммӯпасампада̄йа̄ти кусаладхамма̄нам̣ сампа̄данаттха̄йа, пат̣ила̄бхаттха̄йа̄ти вуттам̣ хоти. име чепи, бхаддийа, маха̄са̄ла̄ти пурато т̣хите са̄ларуккхе дассенто евама̄ха. сесаметтха хет̣т̣ха̄ вуттанайатта̄ утта̄наттхатта̄ ча сувин̃н̃еййамева. саттхари пана десанам̣ виниват̣т̣енте бхаддийо сота̄панно джа̄тоти.