6. уммаггасуттаван̣н̣ана̄

186. чхат̣т̣хе парикассатӣти а̄кад̣д̣хийати. уммагготи уммуджджанам̣, пан̃н̃а̄гамананти аттхо. пан̃н̃а̄ ева ва̄ уммуджджанат̣т̣хена уммагготи вуччати. са̄ва пат̣ибха̄нат̣т̣хена пат̣ибха̄нам̣. читтасса уппаннасса васам̣ гаччхатӣти йе читтасса васам̣ гаччханти, тесам̣йеветтха гахан̣ам̣ ведитаббам̣. аттхаман̃н̃а̄йа дхаммаман̃н̃а̄йа̄ти аттхан̃ча па̄л̣ин̃ча джа̄нитва̄. дхамма̄нудхаммаппат̣ипанно хотӣти локуттарадхаммасса ануччхавикадхаммам̣ саха сӣлена пуббабха̄гаппат̣ипадам̣ пат̣ипанно хоти. ниббедхикапан̃н̃оти ниббиджджханакапан̃н̃о. идам̣ дуккханти т̣хапетва̄ тан̣хам̣ сесам̣ тебхӯмакаккхандхапан̃чакам̣ дуккханти сутам̣ хоти. пан̃н̃а̄йа̄ти маггапан̃н̃а̄йа. айам̣ дуккхасамудайоти ват̣т̣амӯлакатан̣ха̄ тасса дуккхасса самудайоти сутам̣ хоти. имина̄ упа̄йена сесадвайепи аттхо ведитаббо. чатуттхапан̃хависсаджджанена арахаттапхалам̣ катхитанти ведитаббам̣.