5. упава̄н̣асуттаван̣н̣ана̄

175-176. пан̃чаме виджджа̄йантакаро хотӣти виджджа̄йа ват̣т̣адуккхасса антакаро хоти, сакалам̣ ват̣т̣адуккхам̣ париччхиннам̣ париват̣умам̣ катва̄ тит̣т̣хатӣти. сесападесупи есева найо. саупа̄да̄ноти сагахан̣ова хутва̄. антакаро абхависса̄ти ват̣т̣адуккхасса антам̣ катва̄ т̣хито абхависса. чаран̣асампанноти паннарасадхаммабхедена чаран̣ена саманна̄гато. йатха̄бхӯтам̣ джа̄нам̣ пассам̣ антакаро хотӣти йатха̄сабха̄вам̣ маггапан̃н̃а̄йа джа̄нитва̄ пасситва̄ ват̣т̣адуккхасса антам̣ катва̄ т̣хито на̄ма хотӣти арахаттаникӯт̣ена пан̃хам̣ нит̣т̣хапеси. чхат̣т̣хам̣ хет̣т̣ха̄ екаканипа̄таван̣н̣ана̄йам̣ вуттанайенева ведитаббам̣.