(15) 5. а̄бха̄вагго

1. а̄бха̄суттаван̣н̣ана̄

141. пан̃чамасса пат̣хаме а̄бха̄санавасена чандова чанда̄бха̄. сесападесупи есева найо.

2-5. пабха̄сутта̄диван̣н̣ана̄

142-145. дутийа̄дӣсупи пабха̄санавасена чандова чандаппабха̄. а̄локанавасена чандова чанда̄локо. обха̄санавасена чандова чандобха̄со. паджджотанавасена чандова чандападжджототи. евам̣ саббападесупи аттхо ведитаббо.

6. пат̣хамака̄ласуттаван̣н̣ана̄

146. чхат̣т̣хе ка̄ла̄ти йуттаппайуттака̄ла̄. ка̄лена дхаммассавананти йуттаппайуттака̄ле дхаммассаванам̣. дхаммаса̄каччха̄ти пан̃хапуччханависсаджджанавасена паватта̄ сам̣санданакатха̄.

7. дутийака̄ласуттаван̣н̣ана̄

147. саттаме ка̄ла̄ти тасмим̣ тасмим̣ ка̄ле дхаммассавана̄дивасена паватта̄нам̣ кусаладхамма̄нам̣ етам̣ адхивачанам̣. те бха̄вийанти чева анупариваттийанти ча. а̄сава̄нам̣ кхайанти арахаттам̣. ат̣т̣хамам̣ утта̄наттхамева.

9-10. сучаритасутта̄диван̣н̣ана̄

149-150. наваме сан̣ха̄ ва̄ча̄ти мудукава̄ча̄. мантабха̄са̄ти мантасан̇кха̄та̄йа пан̃н̃а̄йа париччхиндитва̄ катхитакатха̄. дасаме сӣласа̄роти са̄расампа̄пакам̣ сӣлам̣. сесесупи есева найо.

а̄бха̄вагго пан̃чамо.