4. ут̣т̣ха̄напхаласуттаван̣н̣ана̄

134. чатуттхе ут̣т̣ха̄навӣрийенева дивасам̣ вӣтина̄метва̄ тасса ниссандапхаламаттам̣ кин̃чидева лабхитва̄ джӣвикам̣ каппети, там̣ пана ут̣т̣ха̄нам̣ а̄гамма кин̃чи пун̃н̃апхалам̣ наппат̣илабхати, айам̣ ут̣т̣ха̄напхалӯпаджӣвӣ на каммапхалӯпаджӣвӣ на̄ма. ча̄тумаха̄ра̄джике пана деве а̄дим̣ катва̄ саббепи дева̄ ут̣т̣ха̄навӣрийена вина̄ пун̃н̃апхалассева упаджӣванато каммапхалӯпаджӣвино на ут̣т̣ха̄напхалӯпаджӣвино на̄ма. ра̄джара̄джамаха̄матта̄дайо ут̣т̣ха̄напхалӯпаджӣвино ча каммапхалӯпаджӣвино ча. нерайикасатта̄ нева ут̣т̣ха̄напхалӯпаджӣвино на каммапхалӯпаджӣвино. имасмим̣ сутте пун̃н̃апхаламева каммапхаланти адхиппетам̣, тан̃ча тесам̣ наттхи.