5. т̣ха̄насуттаван̣н̣ана̄

115. пан̃чаме т̣ха̄на̄нӣти ка̄ран̣а̄ни. анаттха̄йа сам̣ваттатӣти ахита̄йа авад̣д̣хийа̄ сам̣ваттати. еттха ча пат̣хамам̣ опа̄таккхан̣анамаччхабандханасандхиччхедана̄дибхедам̣ садуккхам̣ савигха̄там̣ па̄пакаммам̣ ведитаббам̣, дутийам̣ самаджӣвика̄нам̣ гихӣнам̣ пуппхаччхад̣д̣ака̄дикаммам̣ судха̄кот̣т̣ана-гехаччха̄данаасучит̣т̣ха̄насаммаджджана̄дикамман̃ча ведитаббам̣, татийам̣ сура̄па̄нагандхавилепанама̄ла̄пил̣андхана̄дикамман̃чева асса̄давасена паваттам̣ па̄н̣а̄типа̄та̄дикамман̃ча ведитаббам̣, чатуттхам̣ дхаммассаванаттха̄йа гаманака̄ле суддхаваттхаччха̄дана-ма̄ла̄гандха̄дӣнам̣ а̄да̄йа гаманам̣ четийаванданам̣ бодхиванданам̣ мадхурадхаммакатха̄саванам̣ пан̃часӣласама̄да̄нанти евама̄дӣсу соманассасампайуттам̣ кусалакаммам̣ ведитаббам̣. пурисатха̄мети пурисасса н̃а̄н̣атха̄масмим̣. сесадвайепи есева найо.