3. патодасуттаван̣н̣ана̄

113. татийе патодаччха̄йанти виджджханаттхам̣ уккхиттасса патодасса чха̄йам̣. сам̣виджджатӣти ‘‘джаво ме гахетаббо’’ти саллаккхан̣авасена сам̣виджджати. сам̣вегам̣ а̄паджджатӣти сам̣вегам̣ пат̣ипаджджати ломаведхавиддхоти ломакӯпе патодаведхена виддхаматто. чаммаведхавиддхоти чхавичаммам̣ чхиндантена патодаведхена виддхо. ат̣т̣хиведхавиддхоти ат̣т̣хим̣ бхиндантена ведхена виддхо. ка̄йена̄ти на̄мака̄йена. парамасаччанти нибба̄нам̣. саччхикаротӣти пассати. пан̃н̃а̄йа̄ти сахавипассана̄йа маггапан̃н̃а̄йа.