1. кесисуттаван̣н̣ана̄

111. дутийасса пат̣хаме кесӣти тасса на̄мам̣. ассадамме са̄ретӣти ассадаммаса̄ратхи. сан̣хенапи винетӣтиа̄дӣсу тасса ануччхавикам̣ сакка̄рам̣ катва̄ субходжанам̣ бходжетва̄ мадхурапа̄нам̣ па̄йетва̄ мудувачанена самуда̄чаритва̄ даменто сан̣хена дамети на̄ма, джа̄н̣убандханамукхабандхана̄дӣхи чева патодавиджджханакаса̄бхигха̄тапхарусавачанехи ча даменто пхарусена дамети на̄ма, ка̄лена ка̄лам̣ тадубхайам̣ каронто сан̣хапхарусена дамети на̄ма.