2. а̄нан̣йасуттаван̣н̣ана̄

62. дутийе адхигаманӣйа̄нӣти паттабба̄ни. ка̄мабхогина̄ти ваттхука̄ме ча килесака̄ме ча парибхун̃джантена. аттхисукха̄дӣсу аттхӣти уппаджджанакасукхам̣ аттхисукхам̣ на̄ма. бхоге парибхун̃джантасса уппаджджанакасукхам̣ бхогасукхам̣ на̄ма. анан̣осмӣти уппаджджанакасукхам̣ а̄нан̣йасукхам̣ на̄ма. ниддосо анаваджджосмӣти уппаджджанакасукхам̣ анаваджджасукхам̣ на̄ма.

бхун̃джанти бхун̃джама̄но. пан̃н̃а̄ випассатӣти пан̃н̃а̄йа випассати. убхо бха̄гети две кот̣т̣ха̄се, хет̣т̣хима̄ни тӣн̣и екам̣ кот̣т̣ха̄сам̣, анаваджджасукхам̣ екам̣ кот̣т̣ха̄санти евам̣ пан̃н̃а̄йа пассама̄но две кот̣т̣ха̄се джа̄на̄тӣти аттхо. анаваджджасукхассетанти етам̣ тивидхампи сукхам̣ анаваджджасукхасса сол̣асим̣ калам̣ на̄ггхатӣти.