2. пан̃хабйа̄каран̣асуттаван̣н̣ана̄

42. дутийе йо ча тесам̣ таттха таттха, джа̄на̄ти анудхамматанти йо етесам̣ пан̃ха̄нам̣ тасмим̣ тасмим̣ т̣ха̄не бйа̄каран̣ам̣ джа̄на̄ти. чатупан̃хасса кусало, а̄ху бхиккхум̣ татха̄видханти татха̄видхам̣ бхиккхум̣ тесу чатӯсу пан̃хесу кусалоти евам̣ ваданти. дура̄садо дуппасахоти парехи гхат̣т̣етум̣ ва̄ абхибхавитум̣ ва̄ на сакка̄. гамбхӣроти саттасӣдантарамаха̄самуддо вийа гамбхӣро. дуппадхам̣сийоти думмоча̄пайо, гахитаггахан̣ам̣ виссаджджа̄петум̣ на сакка̄ти аттхо. аттхе анаттхе ча̄ти вад̣д̣хийан̃ча авад̣д̣хийан̃ча. аттха̄бхисамайа̄ти аттхасама̄гамена. дхӣро пан̣д̣итоти павуччатӣти дхитисампанно пуггало ‘‘пан̣д̣ито айа’’нти евам̣ павуччати.