1. чаккасуттаван̣н̣ана̄

31. чатуттхасса пат̣хаме чакка̄нӣти сампаттийо. чатучаккам̣ ваттатӣти чатта̄ри сампаттичакка̄ни ваттанти гхат̣ийантийева̄ти аттхо. патирӯпадесава̄соти йаттха чатассо париса̄ сандиссанти, еварӯпе ануччхавике десе ва̄со. саппуриса̄вассайоти буддха̄дӣнам̣ саппуриса̄нам̣ авассайанам̣ севанам̣ бхаджанам̣, на ра̄джа̄нам̣. аттасамма̄пан̣идхӣти аттано самма̄ т̣хапанам̣, саче пуббе ассаддха̄дӣхи саманна̄гато хоти, та̄ни паха̄йа саддха̄дӣсу патит̣т̣ха̄панам̣. пуббе ча катапун̃н̃ата̄ти пуббе упачитакусалата̄. идамева четтха пама̄н̣ам̣. йена хи н̃а̄н̣асампайуттачиттена кусалакаммам̣ катам̣ хоти, тадева кусалам̣ там̣ пурисам̣ патирӯпадесе упанети, саппурисе бхаджа̄пети, со ева ча пуггало атта̄нам̣ самма̄ т̣хапети. пун̃н̃акатоти катапун̃н̃о. сукхан̃четам̣дхиваттатӣти сукхан̃ча етам̣ пуггалам̣ адхиваттати, аваттхаратӣти аттхо.