1. чарасуттаван̣н̣ана̄

11. дутийасса пат̣хаме адхива̄сетӣти читтам̣ адхиропетва̄ ва̄сети. наппаджахатӣти на париччаджати. на винодетӣти на нӣхарати. на бйантӣкаротӣти на вигатантам̣ париччхиннапариват̣умам̣ кароти. на анабха̄вам̣ гаметӣти на ануабха̄вам̣ авад̣д̣хим̣ вина̄сам̣ гамети. чарампӣти чарантопи. ана̄та̄пӣти ниббӣрийо. анотта̄пӣти упава̄дабхайарахито. сататанти ниччам̣. самитанти нирантарам̣. евам̣ саббаттха аттхам̣ н̃атва̄ суккапаккхе вуттавипарийа̄йена аттхо ведитаббо.

га̄тха̄су геханисситанти килесанисситам̣. моханеййесӯти мохаджанакесу а̄рамман̣есу. абхабботи абха̄джанабхӯто. пхут̣т̣хум̣ самбодхимуттаманти арахаттамаггасан̇кха̄там̣ уттаман̃а̄н̣ам̣ пхуситум̣.