9. тан̣хуппа̄дасуттаван̣н̣ана̄

9. наваме уппаджджати етесӯти уппа̄да̄. ка̄ уппаджджати? тан̣ха̄. тан̣ха̄йа уппа̄да̄ тан̣хуппа̄да̄, тан̣ха̄ваттхӯни тан̣ха̄ка̄ран̣а̄нӣти аттхо. чӣварахетӯти ‘‘каттха мана̄пам̣ чӣварам̣ лабхисса̄мӣ’’ти чӣварака̄ран̣а̄ уппаджджати. итибхава̄бхавахетӯти еттха итӣти нидассанаттхе нипа̄то. йатха̄ чӣвара̄дихету, евам̣ бхава̄бхавахетупӣти аттхо. бхава̄бхавоти четтха пан̣ӣтатара̄ни саппинаванӣта̄дӣни адхиппета̄ни. сампаттибхавесу пан̣ӣтатарапан̣ӣтатамабхавотипи вадантийева.

тан̣ха̄дутийоти айан̃хи сатто анаматагге сам̣са̄рават̣т̣е сам̣саранто на екакова сам̣сарати, тан̣хам̣ пана дутийикам̣ лабхантова сам̣сарати. тена вуттам̣ ‘‘тан̣ха̄дутийо’’ти. иттхабха̄ван̃н̃атха̄бха̄ванти еттха иттхабха̄во на̄ма айам̣ аттабха̄во, ан̃н̃атха̄бха̄во на̄ма ана̄гататтабха̄во. еварӯпо ва̄ ан̃н̃опи аттабха̄во иттхабха̄во на̄ма, на еварӯпо ан̃н̃атха̄бха̄во на̄ма. там̣ иттхабха̄ван̃н̃атха̄бха̄вам̣. сам̣са̄ранти кхандхадха̄туа̄йатана̄нам̣ пат̣ипа̄т̣им̣. на̄тиваттатӣти на̄тиккамати. евама̄дӣнавам̣ н̃атва̄ти евам̣ атӣта̄на̄гатапаччуппаннесу кхандхесу а̄дӣнавам̣ джа̄нитва̄. тан̣хам̣ дуккхасса самбхаванти тан̣хам̣ ча ‘‘айам̣ ват̣т̣адуккхасамбхӯто сабха̄во ка̄ран̣а’’нти евам̣ джа̄нитва̄. етта̄вата̄ имасса бхиккхуно випассанам̣ вад̣д̣хетва̄ арахаттам̣ паттабха̄во дассито. ида̄ни там̣ кхӣн̣а̄савам̣ тхоменто вӣтатан̣хотиа̄дима̄ха. таттха ана̄да̄ноти ниггахан̣о. сато бхиккху париббаджети сатисампаджан̃н̃е вепуллаппатто кхӣн̣а̄саво бхиккху сато сампаджа̄но чареййа вихареййа̄ти аттхо. ити суттанте ват̣т̣ам̣ катхетва̄ га̄тха̄су ват̣т̣авиват̣т̣ам̣ катхитанти.