6. аппассутасуттаван̣н̣ана̄

6. чхат̣т̣хе анупапанноти анупа̄гато. суттантиа̄дӣсу убхатовибхан̇ганиддесакхандхакапарива̄расуттанипа̄таман̇галасуттаратанасутта- на̄л̣акасуттатуват̣акасутта̄ни, ан̃н̃ампи ча суттана̄макам̣ татха̄гатавачанам̣ суттанти ведитаббам̣. саббампи сага̄тхакам̣ суттам̣ геййанти ведитаббам̣, висесена сам̣йуттаке сакалопи сага̄тха̄вагго. сакалампи абхидхаммапит̣акам̣, нигга̄тхакасуттам̣, йан̃ча ан̃н̃ампи ат̣т̣хахи ан̇гехи асан̇гахитам̣ буддхавачанам̣, там̣ веййа̄каран̣анти ведитаббам̣. дхаммапада-тхерага̄тха̄-тхерига̄тха̄ суттанипа̄те носуттана̄мика̄ суддхикага̄тха̄ ча га̄тха̄ти ведитабба̄. соманассан̃а̄н̣амайикага̄тха̄пат̣исам̣йутта̄ двеасӣти суттанта̄ уда̄нанти ведитабба̄. ‘‘вуттан̃хетам̣ бхагавата̄’’тиа̄динайаппаватта̄ дасуттарасатасуттанта̄ итивуттаканти ведитабба̄. апан̣н̣акаджа̄така̄дӣни пан̃н̃а̄са̄дхика̄ни пан̃ча джа̄такасата̄ни джа̄таканти ведитабба̄ни. ‘‘чатта̄роме, бхиккхаве, аччхарийа̄ аббхута̄ дхамма̄ а̄нанде’’тиа̄динайаппаватта̄ саббепи аччхарийааббхутадхаммапат̣исам̣йутта̄ суттанта̄ аббхутадхамманти ведитабба̄. чӯл̣аведалламаха̄ведалласамма̄дит̣т̣хисаккапан̃хасан̇кха̄рабха̄джанийамаха̄пун̣н̣амасутта̄дайо саббепи ведан̃ча тут̣т̣хин̃ча ладдха̄ ладдха̄ пуччхита̄ суттанта̄ ведалланти ведитабба̄. на аттхаман̃н̃а̄йа на дхаммаман̃н̃а̄йа̄ти ат̣т̣хакатхан̃ча па̄л̣ин̃ча аджа̄нитва̄. дхамма̄нудхаммаппат̣ипанноти навалокуттарадхаммасса анурӯпадхаммам̣ сахасӣлам̣ пуббабха̄гапат̣ипадам̣ на пат̣ипанно хоти. имина̄ упа̄йена саббава̄ресу аттхо ведитаббо. пат̣хамава̄ре панеттха аппассутадуссӣло катхито, дутийе аппассутакхӣн̣а̄саво, татийе бахуссутадуссӣло, чатуттхе бахуссутакхӣн̣а̄саво.

сӣлесу асама̄хитоти сӣлесу апарипӯрака̄рӣ. сӣлато ча сутена ча̄ти сӣлабха̄гена ча сутабха̄гена ча ‘‘айам̣ дуссӣло аппассуто’’ти евам̣ там̣ гарахантӣти аттхо. тасса сампаджджате сутанти тасса пуггаласса йасма̄ тена сутена сутакиччам̣ катам̣, тасма̄ тасса сутам̣ сампаджджати на̄ма. на̄сса сампаджджатети сутакиччасса акататта̄ на сампаджджати. дхаммадхаранти сутадхамма̄нам̣ а̄дха̄рабхӯтам̣. саппан̃н̃анти супан̃н̃ам̣. неккхам̣ джамбонадассева̄ти джамбунадам̣ вуччати джа̄тисуван̣н̣ам̣, тасса джамбунадасса неккхам̣ вийа, пан̃часуван̣н̣апарима̄н̣ам̣ суван̣н̣агхат̣икам̣ вийа̄ти аттхо.