2. гила̄насуттаван̣н̣ана̄

22. дутийе саппа̄йа̄нӣти хита̄ни вуддхикара̄ни. патирӯпанти ануччхавикам̣. нева вут̣т̣ха̄ти тамха̄ а̄ба̄дха̄ти имина̄ атекиччхена ва̄та̄пама̄ра̄дина̄ рогена саманна̄гато нит̣т̣ха̄паттагила̄но катхито. вут̣т̣ха̄ти тамха̄ а̄ба̄дха̄ти имина̄ кхипитакакаччхутин̣апуппхакаджара̄дибхедо аппаматтаа̄ба̄дхо катхито. лабханто саппа̄йа̄ни бходжана̄ни но алабхантоти имина̄ пана йесам̣ пат̣иджагганена пха̄сукам̣ хоти, саббепи те а̄ба̄дха̄ катхита̄. еттха ча патирӯпо упат̣т̣ха̄ко на̄ма гила̄нупат̣т̣ха̄каан̇гехи саманна̄гато пан̣д̣ито даккхо аналасо ведитаббо. гила̄нупат̣т̣ха̄ко анун̃н̃а̄тоти бхиккхусан̇гхена да̄табботи анун̃н̃а̄то. тасмин̃хи гила̄не аттано дхаммата̄йа йа̄петум̣ асакконте бхиккхусан̇гхена тасса бхиккхуно еко бхиккху ча са̄ман̣еро ча ‘‘имам̣ пат̣иджаггатха̄’’ти апалокетва̄ да̄табба̄. йа̄ва пана те там̣ пат̣иджагганти, та̄ва гила̄насса ча тесан̃ча двиннам̣ йенаттхо, саббам̣ бхиккхусан̇гхассева бха̄ро.

ан̃н̃епи гила̄на̄ упат̣т̣ха̄табба̄ти итарепи две гила̄на̄ упат̣т̣ха̄петабба̄. ким̣ ка̄ран̣а̄? йопи хи нит̣т̣хапаттагила̄но, со анупат̣т̣хийама̄но ‘‘саче мам̣ пат̣иджаггеййум̣, пха̄сукам̣ ме бхавеййа. на кхо пана мам̣ пат̣иджаггантӣ’’ти манопадосам̣ катва̄ апа̄йе ниббаттеййа. пат̣иджаггийама̄насса панасса евам̣ хоти ‘‘бхиккхусан̇гхена йам̣ ка̄таббам̣, там̣ катам̣. майхам̣ пана каммавипа̄ко ӣдисо’’ти. со бхиккхусан̇гхе меттам̣ паччупат̣т̣ха̄петва̄ сагге ниббаттиссати. йо пана аппаматтакена бйа̄дхина̄ саманна̄гато лабхантопи алабхантопи вут̣т̣ха̄тийева, тасса вина̄пи бхесаджджена вӯпасаманабйа̄дхи бхесадждже кате кхиппатарам̣ вӯпасаммати. со тато буддхавачанам̣ ва̄ угган̣хитум̣ саккхиссати, саман̣адхаммам̣ ва̄ ка̄тум̣ саккхиссати. имина̄ ка̄ран̣ена ‘‘ан̃н̃епи гила̄на̄ упат̣т̣ха̄табба̄’’ти вуттам̣.

нева оккаматӣти нева пависати. нийа̄мам̣ кусалесу дхаммесу самматтанти кусалесу дхаммесу магганийа̄масан̇кха̄там̣ самматтам̣. имина̄ падапарамо пуггало катхито. дутийава̄рена уггхат̣итан̃н̃ӯ гахито са̄сане на̄лакаттхерасадисо буддхантаре екава̄рам̣ паччекабуддха̄нам̣ сантике ова̄дам̣ лабхитва̄ пат̣ивиддхапаччекабодхин̃а̄н̣о ча. татийава̄рена випан̃читан̃н̃ӯ пуггало катхито, неййо пана таннисситова хоти.

дхаммадесана̄ анун̃н̃а̄та̄ти ма̄сасса ат̣т̣ха ва̄ре дхаммакатха̄ анун̃н̃а̄та̄. ан̃н̃есампи дхаммо десетабботи итаресампи дхаммо катхетаббо. ким̣ ка̄ран̣а̄? падапарамасса хи имасмим̣ аттабха̄ве дхаммам̣ пат̣ивиджджхитум̣ асакконтасса̄пи ана̄гате паччайо бхависсати. йо пана татха̄гатасса рӯпадассанам̣ лабхантопи алабхантопи дхаммавинайан̃ча савана̄йа лабхантопи алабхантопи дхаммам̣ абхисамети, со алабханто та̄ва абхисамети. лабханто пана кхиппамева абхисамессатӣти имина̄ ка̄ран̣ена тесам̣ дхаммо десетаббо. татийасса пана пунаппунам̣ десетаббова.