(13) 3. да̄наваггаван̣н̣ана̄

142. татийасса пат̣хаме да̄на̄нӣти диййанакавасена да̄на̄ни, деййадхаммассетам̣ на̄мам̣. саваттхука̄ ва̄ четана̄ да̄нам̣, сампаттипаричча̄гассетам̣ на̄мам̣. а̄мисада̄нанти чатта̄ро паччайа̄ диййанакавасена а̄мисада̄нам̣ на̄ма. дхаммада̄нанти идхекаччо аматапаттипат̣ипадам̣ катхетва̄ дети, идам̣ дхаммада̄нам̣ на̄ма.

143. дутийе чатта̄ро паччайа̄ йаджанакавасена йа̄го на̄ма дхаммопи йаджанакавасена йа̄готи ведитаббо.

144. татийе а̄мисасса чаджанам̣ а̄мисача̄го, дхаммасса чаджанам̣ дхаммача̄го. чатуттхе упасаггаматтам̣ висесо.

146. пан̃чаме чатуннам̣ паччайа̄нам̣ бхун̃джанам̣ а̄мисабхого, дхаммасса бхун̃джанам̣ дхаммабхого. чхат̣т̣хе упасаггаматтам̣ висесо.

148. саттаме чатуннам̣ паччайа̄нам̣ сам̣вибхаджанам̣ а̄мисасам̣вибха̄го, дхаммасса сам̣вибхаджанам̣ дхаммасам̣вибха̄го.

149. ат̣т̣хаме чатӯхи паччайехи сан̇гахо а̄мисасан̇гахо, дхаммена сан̇гахо дхаммасан̇гахо.

150. наваме чатӯхи паччайехи анугган̣ханам̣ а̄миса̄нуггахо, дхаммена анугган̣ханам̣ дхамма̄нуггахо.

151. дасаме чатӯхи паччайехи анукампанам̣ а̄миса̄нукампа̄, дхаммена анукампанам̣ дхамма̄нукампа̄ти.

да̄навагго татийо.