2. падха̄насуттаван̣н̣ана̄

2. дутийе падха̄на̄нӣти вӣрийа̄ни. вӣрийан̃хи падахитаббато падха̄набха̄вакаран̣ато ва̄ падха̄нанти вуччати. дурабхисамбхава̄нӣти дуссаха̄ни дуппӯрийа̄ни, дуккара̄нӣти аттхо. ага̄рам̣ аджджха̄васатанти ага̄ре васанта̄нам̣. чӣварапин̣д̣апа̄тасена̄санагила̄напаччайабхесаджджапариккха̄ра̄нуппада̄наттхам̣ падха̄нанти етесам̣ чӣвара̄дӣнам̣ чатуннам̣ паччайа̄нам̣ ануппада̄наттха̄йа падха̄нам̣ на̄ма дурабхисамбхаванти дассети. чатуратаникампи хи пилотикам̣, пасататан̣д̣уламаттам̣ ва̄ бхаттам̣, чатуратаникам̣ ва̄ пан̣н̣аса̄лам̣, теласаппинаванӣта̄дӣсу ва̄ аппаматтакампи бхесаджджам̣ паресам̣ детха̄ти ваттумпи нӣхаритва̄ да̄тумпи дуккарам̣ убхатобйӯл̣хасан̇га̄маппавесанасадисам̣. тена̄ха бхагава̄ –

‘‘да̄нан̃ча йуддхан̃ча сама̄нама̄ху,

аппа̄пи санта̄ бахуке джинанти;

аппампи че саддаха̄но дада̄ти,

тенева со хоти сукхӣ параттха̄’’ти. (джа̄. 1.8.72; сам̣. ни. 1.33);

ага̄расма̄ анага̄рийам̣ паббаджита̄нанти гехато никкхамитва̄ ага̄расса гхара̄ва̄сасса хита̄вахехи касигораккха̄дӣхи вирахитам̣ анага̄рийам̣ паббаджджам̣ упагата̄нам̣. саббӯпадхипат̣иниссаггаттха̄йа падха̄нанти саббесам̣ кхандхӯпадхикилесӯпадхиабхисан̇кха̄рӯпадхисан̇кха̄та̄нам̣ упадхӣнам̣ пат̣иниссаггасан̇кха̄тасса нибба̄насса аттха̄йа випассана̄йа чева маггена ча сахаджа̄тавӣрийам̣. тасма̄ти йасма̄ има̄ни две падха̄на̄ни дурабхисамбхава̄ни, тасма̄. дутийам̣.